Sırıadan oralǵan tórt aqtóbelik qamaýǵa alyndy, dep habarlaıdy Qamshy.kz aqparat agenttigi Hola News saıtyna silteme jasap.

Ol týraly Aqtóbe oblystyq soty málimdedi.

Aqtóbede Sırıadan oralǵan úsh erkek pen bir áıeldi qamaýǵa alýǵa sot sanksıa berdi. Olar lańkestik toptyń quramynda bolyp, terorızmdi nasıhattaǵan jáne dinı alaýyzdyq týdyrǵany úshin aıyptalyp otyr.

Qamalýshylardyń tórteýi de Aqtóbe oblysynyń turǵyndary, olardy jaqynda Sırıadan «Jýsan-2» arnaıy operasıasy barysynda alyp kelgen. Alaıda, olar elge kelgennen keıin birde-bir jaqyndarymen sóılespeı, birden tergeýge jiberilgen. Olardyń Sırıaǵa qashan, qalaı ketkeni ázirge anyqtalmady.

«Terorıstik toptyń áreketine nemese ony jasaıtyn terorızm aktileri qatysqan dep kúdiktelgen Almaǵambetova, Tórehanov, Qýanov jáne Sábıtulyna qatysty kúzetpen ustaý túrindegi bultartpaý sharasyn qoldaný negizdi dep tanyldy», - dep aıtty Aqtóbe oblystyq sotynyń baspasóz hatshysy Anar Aıtjanova. 

Usynǵan: Marjan Sábet