Birikken Arab Ámirliginde brazılályq jıý-jıtsýdan balalar jáne jasóspirimder arasynda "Abu Dhabi World Jiu-Jitsu Championship 2019" álem chempıonaty bolyp ótti dep habarlaıdy Qamshy.kz aqparat agenttigi. 

Jıý-jıtsý saıysyna qatysýshylardyń barlyǵy «Sagadat Batyr — QTT» atty klýbynyń tálimgerleri. Olardyń arasynda ótken týrnırdiń eki márte jeńimpazy atanǵan 12 jasar Jibek Qulymbetova, sondaı-aq 2018 jylǵy Álem chempıonatynyń qola júldegeri Alına Mahambet sıaqty jeńimpazdary da bar.

"Saıysta álemniń ár buryshynan kelgen qatysýshylar qazaqstandyq jastardyń ónerlerin tamashalady. Bizdiń jeńimpazdarymyz jaıynda jergilikti basylymdar jarysa jazyp jatyr. Bul bizdi qýantady. Bizben seriktestik qurǵysy keletinderden usynystarda jasaldy. Meniń tálimgerlerim ózderin joǵary dárejede kórsete bildi. Men buǵan óte qatty qaýanamyn. Bul bizidń klýbymyzdyń jattyqtyrýshylary Samat Aıppanbettiń, Dıas Qanaıbekov pen Eljan Jumadildiń eńbekteri dep aıtýǵa bolady. Qazirgi tańda elimizde jıý-jıtsý jaqsy damyp keledi. Osy sport túrinde qazir kóp kóńil bólinip jatyr. Osyndaı nátıjege qol jetikizip jatqanymyz da sondyqtan dep oılaımyn", - dedi "Sagadat Batyr — QTT" klýbynyń jetekshisi Nursultan Orynbasarov.

Chempıonattyń qorytyndysy boıynsha «altyn» júldeni qanjyǵasyna baılaǵandar: Maǵjan Marat, Ámına Qaýharbek, Ámir Baımýhan, Malıka Salımova, Balaıım Kýmar, Jıbek Kúlimbetova, Alına Mahambet, Arsen Júnisov, Sanjar Ábýkanov «Kúmis» júlde ıegerleri: Gamzat Shabanov, Vadım Fahrýdınov, Taımas Salımov, Beksultan Madamı, Bekjan Jamanbaı jeńip aldy. «Qola» julde ıegerleri: Erasyl Qabyshuly, Narıman Daýylbaev, Beknur Nurlybek, Ansar Nurtan, Abdýlla Baıatanov, Álıhan Jamanbaı, Ǵalymjan Melesov.