Saılaý kúni "hıt" bolǵan sýrettegi Ulttyq ulannyń qataryndaǵy sarbaz - Shamıl Hasanov pen kishkentaı Aırın kezdesti dep habarlaıdy Qamshy.kz aqparat agenttigi.

Bul týraly qyzdyń anasy ınstagramdaǵy jeke paraqshasynda jazdy.

"Bul jazbany jazǵan boıda kóp adam muny da qoıylym dep, san túrli pikir jazatyny aıdan anyq edi. Dostar, toǵyz aı qursaǵynda kótergen balasyn sherýge shyǵaryp, qoıylymǵa qatystyrý úshin anasyna qanshalyqty kóp qarjy tóleý keregin de bilmeımin. Óz ataq-abyroıyn, mansabyn satyp ketý úshin jýrnalıske qansha aqsha tóleıtininen habarym joq.  Sosyn tyrnaq astynan kir izdegen adam qashan da bola beredi dep, bárine qol siltedim.

@ktktv telearnasynyń qoldaýymen balapanym dál sol tanymal bolǵan sarbazben kezdesti. 
Shamıl (@shoma_hasanov) bizdi syılyqtarmen qarsy aldy. Qyzyma qýyrshaq pen shokolad, maǵan bir shoq raýshan gúlderin alyp kelipti. Oǵan qosa, áriptesteri kishkentaı balapanyma gıtaramen án shyrqap berdi.

Shamıldiń ata-anasyna osyndaı ul tárbıelegine alǵys aıtqym keledi. Ol qyzym Aırınmen bılep, sýretke de tústi. 

Bul týraly 15 maýsym kúni KTK telearnasynan saǵan 21.00-degi jańalyqtardan kóre alasyzdar. Alǵan áserimdi aıtyp jetkize almaımyn" delingen jazbada.