Atyraý oblysynyń ákimi Nurlan Noǵaev uıymdastyrýshylarmen jáne Ázirbaıjannan, Reseıden, Qyrǵyzstannan, Ózbekstannan, Túrkimenstannan, Qazaqstannan kelgen kompozıtorlarmen kezdesti.
Kezdesýde mádenıet pen ónerdi birlese damytý boıynsha Halyqaralyq uıymynyń (TÚRKSOI) bas hatshysy bundaı sharanyń Qazaqstanda tuńǵysh ótip jatqanyn atap ótti.
- Búgin Atyraýda álemdegi barlyq mýzykalyq festıválderge qatysyp júrgen talantty, belgili kompozıtorlar jınalyp otyr. Aldaǵy josparlarymyz aýqymdy. Bizdi Ońtústik Koreıadaǵy mýzykalyq festıvál kútip tur. Jaqyn arada Bashqurtstanda túrki halyqtarynyń zamanaýı mýzykasynyń festıvali ótedi. Tatarstan Eýrazıalyq festıváldi ótkizedi. Búgin Atyraýdaǵy osyndaı bir úlken sharaǵa qatysyp otyrmyz. Onyń bizdiń elderdiń mýzykalyq mádenıetin damytý úshin mańyzy zor,-dedi Dúısen Qaseınov.
Oblys ákimi halyqaralyq festıváldiń uıymdastyrýshylary men qonaqtaryna arnap lebizin aıtty.
- Sizder óz isin úzdik meńgergen shebersizder. Alla bergen talanttyń, eńbekterińizdiń arqasynda tabys bıiginen kórindińizder. Sizderdi óz elderińiz ǵana emes, jyraq jerler de tanyp otyr. Bizdiń de mádenıet, ádebıet, óner qaıratkerleri mártebeli respýblıkalyq, halyqaralyq baıqaýlarda top jaryp, laýreat atanyp júrgenin maqtanyshpen atap ótemin. Bul bizdiń korıfeılerimiz qalyptastyrǵan bazanyń, dástúrdiń jemisi. Bul Qurmanǵazy, Dınanyń eli,-dedi Nurlan Noǵaev.
Óńir basshysy bundaı aýqymy keń sharalar mádenıet, mýzyka, óner arqyly memleketaralyq qatynastardyń damýyna tyń serpin beretinine senim bildirdi.

Sharaǵa Alys-jaqyn shetelderden túrkitildes halyqtardyń óneriniń týyn jelbiretip júrgen kompozıtorlar qatysty. Atap aıtqanda, Reseı Federasıasynyń Halyq ártisi, RF Kompozıtorlar Odaǵynyń Tóraǵasy, Rashıd Qalımýllın, Bashqurtstan Halyq ártisi, Bashqurtstan Kompozıtorlar Odaǵynyń Tóraǵasy Leıla Ismagılova, Qyrǵyzstan Halyq ártisi, Qyrǵyzstan Kompozıtorlar Odaǵynyń Tóraǵasy, Qyrǵyzstan Memlekettik konservatorıasynyń rektory Muratbek Begalıev, Ázirbaıjan Halyq ártisi, Gadjıbekov atyndaǵy Ázirbaıjan Memlekettik mýzeıiniń dırektory Sardar Faradjev, Ózbekstannyń eńbek sińirgen óner qaıratkeri, Ózbekstan Memlekettik konservatorıasynyń dosenti Hýrshıdahon Hasanova, Túrkmenstannyń eńbek sińirgen óner qaıratkeri, Túrkmenstan Kompozıtorlar Odaǵynyń Tóraǵasy Rovshen Nepesovtar kókteńizdiń saǵasyna, Aq Jaıyqtyń jaǵasyna kelip, óz týyndylary arqyly túbi bir túrki halyqtarynyń týystyǵyn dáleldedi.

Sondaı-aq, óz elimizdiń ardaqtylary, Qazaqstan Respýblıkasynyń eńbek sińirgen qaıratkeri Beıbit Dáldenbaı, Qurmanǵazy atyndaǵy Qazaq Ulttyq konservatorıasynyń profesory Vladımır Strıgoskıı-Pak, Qurmanǵazy atyndaǵy Qazaq Ulttyq konservatorıasynyń dosenti Ermek Ómirov, Halyqaralyq konkýrstardyń laýreaty Habıbolla Setekov, Halyqaralyq konkýrstardyń laýreaty, Óskemennen kelgen Svetlana Apasovalar da festıválge qatysty. Festıvál jobasynyń avtory – Qazaqstan Respýblıkasy Memlekettik syılyǵynyń laýreaty, Túrki kompozıtorlar qaýymdastyǵynyń Prezıdenti Balnur Qydyrbek.

Festıvál shymyldyǵy respýblıkalyq konkýrstardyń laýreaty Saıa Jumashevanyń dırıjerlik etýimen, «Naryn» halyq aspaptar orkestriniń oryndaýyndaǵy Balnur Qydyrbektiń «Altaı-Atyraý arasy» týyndysymen ashyldy. Sardar Faradjevtiń «Kóroǵly», Svetlana Apasovanyń «Saryarqa HHİ», Leıla Ismagılovanyń «Qýraı men orkestrge arnalǵan pesa», Habıbolla Setekovtyń «Chapbaıat», R. Abdýllaevtyń «Lázgı», Ermek Ómirovtyń «Úsh ózen» «Aqjaıyq», Rovshen Nepesovtyń «Túrikmen órnegi», Vladımır Strogaskıi-Paktiń «dala toıy», Bahtıar Amanjoldyń «Qıadan qıqý túskende», Hýrshıdahon Hasanovanyń «Qizgina» shyǵarmalary orkestrdiń oryndaýynda kórermender qoshemetine bólendi. Sondaı-aq, Balnur Qydyrbektiń «Týǵan meken Kúreńbel» áni Abaı atyndaǵy Qazaq MemlekettikAkademıalyq opera jáne balet teatrynyń jeke solısi Darhan Joldybaevtyń, Muratbek Begalıevtiń «»Saǵyndym» áni Abaı atyndaǵy Qazaq MemlekettikAkademıalyq opera jáne balet teatrynyń jeke solısi Gúlzat Dáýirbaevanyń, Marat İlıasovtyń «Saryarqa sazy» áni Gúlzat Dáýirbaeva men darhan Joldybaevtyń, Tatána Shalgınovanyń «Anıs áni» Gúlzat Dáýirbaevanyń, Beıbit Dáldenbaıdyń «Kezdeseıik» áni Gúlzat Dáýirbaeva men Darhan Joldybaevtyń, , Rashıd Kalımýllınniń «Kachan gana ochrachyrbyz» áni Gúlzat Dáýirbaevanyń, I. Azmanlıdiń «Ázirbaıjan baıraǵy» áni Gúlzat Dáýirbaeva men Darhan Joldybaevtyń oryndaýynda oryndaldy.

Kesh sońynda sahnaǵa oblys ákiminiń atynan «Yqylas» gúli ákelindi.