Atyraý oblysynyń memlekettik qyzmetshileri, jergilikti atqarýshy organdarǵa qarasty uıymdar bir kúndik jalaqylaryn Túrkistan oblysyndaǵy Arys qalasynyń turǵyndaryna kómek retinde aýdarady.
​Ákimdikte atap ótkendeı, qıyn kezeńde otandastaryna qoldaý kórsetý – árbir qazaqstandyqtyń paryzy.
​- Arysta oryn alǵan qaıǵyly jaǵdaı eshkimdi beı-jaı qaldyrmady. Elimiz úshin kúrdeli osy kezeńde barshańyzdy birlesýge jáne qoldan kelgenshe kómektesýge shaqyramyz,- dep atap ótti ákimdiktiń baspasóz qyzmeti.
​Sonymen qatar, «Nur Otan» partıasynyń Atyraý fılıalynda áskerı qoımadaǵy jarylys kezinde zardap shekken Arystyń turǵyndaryna kómek qabyldaý pýnkti ashyldy.
Muqtaj jandarǵa qajetti zattar myna meken-jaı boıynsha qabyldanady: Atyraý qalasy, Áıteke bı kóshesi, 79a, «Nur Otan» partıasynyń ǵımaraty.
Qosymsha aqparat alý úshin myna telefondarǵa habarlasý qajet:
+7​ 775​ 000 2885 Rınat, +7​ 775​ 363 7848 Dınara