Almaty qalasy Matrosov kóshesinde ornalasqan jeke sektordaǵy úılerdiń birinen órt shyqty dep habarlaıly «Qamshy» portaly İİB baspasóz qyzmetine siltemeı jasaı otyryp.
Órtti birinshi bolyp atalmysh aýdanda kezekshilikte júrgen ákimshilik polısıa basqarmasynyń mamandandyrylǵan batalónynyń ekıpajdary baıqaǵan. Oqıǵa ornyna jedel jetken polıseıler, áýeli órtenip jatqan úıdiń kórshilerin shaqyryp, keıin býdaqtap jatqan órttiń arasyna kirip, úıdiń túpki bólmesinde esh qaýqarsyz qalǵan Marına men Vıtalııdi syrtqa alyp shyqqan.
«Olar birinshi bolyp keldi. Ústilerine sýdy quıdy da, qalyń órttiń arasyna lap qoıdy. Birneshe mınýttyń ishinde, órtke oranǵan úıdegi adamdar syrtqa shyǵaryla bastady. Eger polıseıler bolmaǵanda adamdar tirideı órtenip keter edi. Sebebi, bizdiń eshbirimiz órtenip jatqan úıge kirýge batylymyz jetpeıtin edi. Bul ras», deıdi kórshiler.
«Oqıǵa ornyna jetkennen keıin biz jedel iske kirisip kettik. Óıtkeni oılanyp otyratyn ýaqyt joq edi. Syrtta ájeı jylap, úıdiń ishinde adamdar qalǵanyn aıtty. Biz áriptesim ekeýmiz órtenip jatqan úıdiń ishine kirip, adamdardy syrtqa alyp shyqtyq. Al taǵy tir áriptesimiz syrtta qalyp, órt mańaıyna adamdady jaqyndatpaı turdy. Biz ol jerde ózimizdiń basymyzǵa tóngen qater týraly múlde oılamadyq. Sebebi, qalyń órttiń arasynda, esh dármensiz qalǵan adamdardyń ómiri mańyzdy edi. Qudaıǵa shúkir, biri aman qaldy. Qaýip artta qaldy. Órtten zardap shekkenderge alǵashqy medısınalyq kómek kórsetildi»,-deıdi Almaty qalalyq İİD-niń ákimshilik polısıa basqarmasy, mamandandyrylǵan batalónynyń aǵa ınspektory Eldos Dosanov.
Keıin anyqtalǵandaı, atalmysh kóshe boıynda bir-birine jaqyn ornalasqan úsh birdeı úı túgeldeı órtke oranyp ketken. Oqıǵa ornynda operatıvti jumys júrgizgen órt sóndirýshiler tilsiz jaýdy 1,5 saǵatta aýyzdyqtaǵan. Órttiń shyǵý sebepteri anyqtalýda.
