Aqtaýda zorlanǵan áıel polısıaǵa habar berýden bas tartty, - dep habarlaıdy Lada.kz. 1 yqshamdaýdanynyń turǵyndary bolǵan qylmys jaıly polısıaǵa habar berdi. Olar İİD jedel basqarý ortalyǵynyń kezekshi bólimine habarlasyp, páterlerdiń birinde zorlyq bolyp jatqanyn jáne mekenjaı boıynsha kelýin suraǵan.

Oqıǵa ornyna kelgen jedel top páter esigin qaǵady. Esikti 25 jastaǵy turǵyn ashty. Rasynda da, onyń páterinde №2 úıdiń 37 jastaǵy turǵyny bolypty.

Tártip saqshylary áıeldiń aıqaılap, kómekke adam shaqyrǵanyn anyqtady. Alaıda jábirlenýshi aryzdanýdan bas tartty. Eske salaıyq, eki aı buryn osyǵan uqsas oqıǵa bolǵan edi. Aqtaýdyń №4 yqshamaýdanyndaǵy turǵyndar kórshi páterlerinen zorlanyp jatqan áıeldiń daýsynyń shyǵyp jatqanyn habarlaǵan. Oqıǵa ornyna kelgen tártip saqshylary Munaılynyń 19 jastaǵy turǵynyn zorlaýdan amal alyp qalǵan. Páterde tártip saqshylary tórt er adamdy ustady. Olar qyzdy páterge aldap kirgizip alyp, zorlaǵysy kelipti.