Qazaqstan Respýblıkasy prezıdentiniń baspasóz hatshysy Berik Ýálı prezıdent Qasym-Jomart Toqaevtyń Qytaıdaǵy til tájirıbesinde júrgen kezinde, ıaǵnı 1983 jyly jasalǵan sırek kadrlarymen bólisti dep jazady Qamshy.kz aqparat agenttigi.

"Bul vıdeoda memleket basshysynyń 1983 jyly pekın lıngvısıkalyq ýnıversıtetinde oqyp júrgen shaǵyndaǵy sýretteri jınaqtalǵan. Atalmysh sýretterdi ýnıversıtettiń ustazy Lú Shısınóziniń jeke muraǵatynda saqtaǵan", - dep jazdy Berik Ýálı.

Lú Shısın esimdi ustaz Toqaevty bilimge qushtarlyǵynyń, jaqsy úlgeriminiń nátıjesinde esinde saqtapty. 

"Men olardyń tobyna sabaq berdim. Bir tańqalarlyǵy - osy topqa leksıa oqyp turǵan sáttegi sýretterdiń saqtalýy", - deıdi Lú Shısın. 

Ustazy sol ýaqytta bolashaq prezıdenttiń qytaı tilin erkin meńgergenin, kez-kelgen taqyrypta pikirtalasqa túse alatynyn aıtady. 

"Qarym-qatynasy jaqsy, belsendi stýdent úzdikter qataryna tez kirdi. Oǵan gazetterdi oqyp, óz oıyn búkpesiz aıtqan unaıtyn. Osy qasıetteri oǵan jetistikke jetýine kómektesti", - deıdi ustaz.