Bıznes. Bıznes te dostyq artyq pa, seriktestik artyq pa?! Bıznesmender arasynda  dosyqta ne nársege mán berý kerek?  Bul suraqtardyń jaýabyn bızneste dos bolyp  keıinnen dosy satyp ketken adam ǵana biletin shyǵar.  Dál sondaı adamdardyń biri 2013 jyly  Forbes  Qazaqstan jýrnaly reıtıńi  boıynsha Qazaqstandaǵy eń jas mıllıoner atanǵan Marat Ábıev. Ol ózińiń «Qazaqstandyq arman» kitabynda bıznestegi dostyqqa baılanysty keńester bergen eken. Ol keńesti nazarlaryńyzǵa «Qamshy» portaly usynady.

• Birinshi dostyqty saqtaı bilý kerek.  Sondyqtan  aradaǵy  qatynastyń   shynaıylyǵyna  kóz jetkizip alyńyz.  Sebebi aldaǵy kúnderi opyq jep qalmaý úshin  mańyzdy .  Ózińizge de esep berińiz:  dostyq pen seriktestiktiń  arajigin ajyratyp, kásippen aınalysqan  kezde  talap pen  suranystyń ózgeretindigin  bilgen abzal. Paıda júrgen jerde dostyqtyń reti támámdalatynyn  da túsiný kerek.  Sol sebepti naǵyz dostyqty tekserý úshin  bızneste seriktes etý kerek.  Sebebi dosyńnyń syryn sol kezde bilesiń.

• Ekinshi dosyńyz ekeýińiz ortaq isti  bastamas   buryn bıznestegi  úlesterińizdi naqty  belgilep alyńyzdar. Eger de fırmany qurý ıdeıasyn siz bastap, dosyńyzǵa qaraǵanda  qomaqty qarjyny  ózińiz quısańyz  teńdeı etip bólýdi umytqanyńyz jón.  Kóbine sezimge erik berip, ótken kúnderdi  eske alyp jatamyz.  Mekteptegi baqylaý jumysyn  birge kóshirý men túski asty  bólip ishý  bızneste endi júrmeıdi.  Aksıalardyń basym bóligin ózińizge tıesili etińiz.  Ol komponıadaǵy  barlyq máselelerdi  tek ózińiz sheshińiz. Osy erejeni qatań saqtańyz, óıtkeni bızneste tek bir  ǵana  kóshbasshy bolýy tıis.  Onan keıin Omar Haııam aıtqandaı: « Kez kelgen  adamdy este saqtap  júrińiz. Jamanmen aradaǵy baılanys  siz úshin  mol tájirıbe, sebebi jamandar  óz qylyqtarymen  sizge  sabaq berip  ketedi» ...

• Úshinshi. Jaǵymsyz oqıǵalardyń  bárinen  sabaq alýǵa  tyrysyńyz.  Bıznesińizde seriktes ári jan dosyńyz satyp ketip sátsizdikke ushyrasańyz da  saryýaıymǵa salynbaı, jigerli bolǵan jón.  Sátsizdikterden qoryqpańyz jáne árdaıym  tek alǵa umtylyńyz.  Adam qandaı qıyn sát bolmasyn, sol shyńyraýdan  ózin alyp shyǵa alady.

• Sizdiń dostaryńyzǵa qarap keleshekte  sizdiń qandaı bolatynyńyzdy  boljaýǵa bolady.  Sol úshin  ózińiz qaı jaqqa bet alsańyz, sol jaqqa   bettegen  dos  izdeý kerek . Sondyqtan  aınalańyzda  júreginde  jalyny  bar adamdar bolý kerek.   Sol sebepti dos tańdaǵanda da sizben oı pikiri ushtasatyndaı, senim arta alatyndaı bolýy óte mańyzdy eken.