"Samuryq-Qazyna" ulttyq ál-aýqat qory" aksıonerlik qoǵamy Basqarmasy tóraǵasy Ahmetjan Esimov «Saryarqa» magıstraldyq gaz qubyry tasjolynyń 820 shaqyrymyna baryp qaıtty, – dep habarlaıdy Qamshy.kz aqparat agenttigi.

"Samuryq-Qazyna" UÁQ" AQ Qoǵammen baılanys jáne marketıńtik komýnıkasıalar jónindegi departamentiniń málimetinshe, Ahmetjan Esimov qurylys obektisine oń baǵa berip, qurylysty ýaqytyly aıaqtaýdy, sondaı-aq gaz qubyryn iske qosý-jóndeý jumystarynyń óz merziminde bitýin qamtamasyz etý qajettiligin atap ótken.

"Qazirgi tańda gaz qubyrynyń qurylysy 75%-ǵa aıaqtalǵan. Jalǵaý jumystary Qaraǵandy men Aqmola oblystarynda júrgizilip jatyr. "QazMunaıGaz" UK" AQ men ákimdikter qurylystyń jelilik jaǵy támámdalǵannan keıin eldi mekender men astanany gazben jabdyqtaýǵa kirisedi",  – dedi "AstanaGazQMG" AQ Bas dırektory Saǵıdýlla Maqashev.

Aıta ketken jón, gaz qubyry Qazaqstannyń astanasyn, eldiń ortalyq jáne soltústik óńirlerin gazben qamtamasyz etýge arnalǵan. Qor aýqymdy jobany qarjylandyrýǵa qatysady, qurylystyń merdigeri – "QazQurylysServıs" kompanıasy, operatory – "Astana Gaz QMG" kompanıasy. "Saryarqa" gaz qubyry "Beıneý – Bozoı – Shymkent" gaz qubyrynan bastaý alady. Negizgi qurylys jumystary 2019 jyldyń sońyna qaraı aıaqtalatyn bolady. Paıdalanýǵa engizý 2020 jyly josparlanyp otyr. Gaz qubyrynyń jalpy uzyndyǵy 1061 km, ol 1,7 mln. turǵyny bar 171 eldi mekendi qamtıdy.