Taraz qalasynda aǵymdaǵy jyly «Týǵan jer» jobasy aıasynda jalpy qarajaty 231,8 myń teńgeni quraıtyn 3 joba júzege asyryldy dep jazady Qamshy.kz aqparat agenttigi. 

«Týǵan jer» jobasy aıasynda bıznes-qurylym ókilderin, mesenattardy, úkimettik emes uıymdar men volonterlardy yntalandyrý, kótermeleý jáne Otanyn damytýǵa shaqyrý, azamattardyń belsendiliginiń úzdik tájirbıesin taratý, qaıyrymdylyq qyzmet, mesenattyq pen meıirbandyq ıdeıalaryn tanymal etý maqsatynda aǵymdaǵy jyly «Jomart júrek» syılyǵynyń laýreattaryn saltanatty quttyqtaý rásimi ótkizilip, 7 nomınasıa boıynsha marapattar tabystaldy. Atap aıtqanda, «Jyl mesenaty» nomınasıasy - «Tarazenergoortalyq» AQ-nyń prezıdenti B.Máýlenov, «Týǵan ólke» nomınasıasy - «Meıirim» medısınalyq ortalyǵynyń quryltaıshysy G.Nurymova, «Jyl tulǵasy» nomınasıasy - «Agrospesstroı» mekemesiniń dırektory M.Rahymberdıev, «Júrekten júrekke» nomınasıasy - jeke kásipker M.Leshtaeva, «Batyl júrek» nomınasıasy - Taraz qalalyq polısıa basqarmasy jergilikti polısıa qyzmetiniń ýchaskelik polısıa ınspektory, polısıa kapıtany D.Zaýrbek, «Jyldyń úzdik uıymy» nomınasıasy - Jambyl oblysy ákimdiginiń densaýlyq saqtaý basqarmasynyń №1 qalalyq aýrýhanasynyń bas dárigeri N.Ábildaev, «Eren eriktilik» nomınasıasy - «Jasyl El» eńbek jasaǵynyń belsendisi, volonter M.Genjemuratova alǵys hatpen jáne baǵaly syılyqtarmen marapattaldy.

Sonymen qatar, aǵymdaǵy jyldyń shilde aıynda qala ákiminiń orynbasary K.Oljabaıdyń tóraǵalyǵymen Taraz qalasynda «Rýhanı jańǵyrý» baǵdarlamasyn iske asyrý boıynsha keńes otyrysy ótkizilip, atqarylǵan jumystar qaralyp, bólim basshylarymen qalalyq ofıs qyzmetkerlerine tıisti tapsyrmalar berildi.

«Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalaryn aqparattyq qoldaý jónindegi medıa-jospar bekitilip, qalalyq «Jambyl-Taraz» gazetinde 67 maqala jarıalandy. Aqparattyq agenttikterde 81, resmı saıttarda 42, áleýmettik jelilerde 52 materıal ornalastyryldy. Jergilikti telearnalarda 59 beınesújet kórsetildi.

Qalanyń ortalyq kóshelerinde 17 banner, 1 pılon, 1 brendmaýer, 2 arka, 64 jalaýsha, 8 laıtboks ornalastyrylǵan. Bilim berý mekemelerinde «Rýhanı jańǵyrý» baǵdarlamasy boıynsha 67 banner, 161 stend, 339 burysh jáne 12 «Rýhanı jańǵyrý» kabınetteri bar.