Qytaıdyń Qazaqstandaǵy elshisi astanalyq oqýshylaryna qytaı tili oqýlyqtaryn syıǵa tartty dep jazady Qamshy.kz aqparat agenttigi. 

Qytaıdyń Qazaqstandaǵy tótenshe jáne ókiletti elshisi qazirgi tańda qazaqstandyqtardyń qytaı tilin úırenýge degen suranysy joǵary ekenin aıtyp ótti. 

Bul qytaı tili oqytylatyn qazaq mektepterine qolǵabys retinde jyl saıyn ótkizetin is-sharamyz. Ekijaqty qarym-qatynas úshin bul óte mańyzdy. Mektepterde qytaı tilin birden oqytý óte durys bastama. Oqýshylar qytaı tili men mádenıetin erte jastan tanı bastaıdy. Men ózim on jasymnan bastap orys tilin oqyp, osy joldan ótken edim. Qasym-Jomart Toqaev ótken aptada elderimiz arasyndaǵy mádenı-gýmanıtarlyq qatynastardy nyǵaıtýǵa qyzyǵýshylyq tanytty" , - deıdi Chjan Sáo. 

Kapital.kz saıtynyń málimetine súıensek, elshi Qazaqstanda Konfýsııdiń bes ınstıtýty baryn, jaqynda taǵy jańa ǵımarattar ashylýy múmkin ekenin atap ótti.

Al Baq.kz saıtynyń deregi boıynsha, Nur-Sultandaǵy Nazarbaev zıatkerlik mektebiniń dırektory Meıram Jakenov oqý ordasynyń ashylǵanyna 10 jyl bolsa, ondaǵy bilim alatyn balalar 9 jyldan beri qytaı tilin meńgerip jatqanyn aıtqan.

«Men aldymen qytaı tilin qalaı oqı bastaǵanymyzǵa toqtalǵym keledi. Bizdiń Nazarbaev zıaıtkerlik mektebi fızıka-matematıka pánine den qoıǵan. Mekteptiń ashylǵanyna bıyl 10 jyl toldy. Al qytaı tilin biz 9 jyl qatarynan oqyp kelemiz», - dedi Jakenov.

Nur-Sultan qalasynyń №81 "Astana English School" gımnazıasynyń dırektory Gúlnar Sadyqovanyń aıtýynsha, ózi basqaryp otyrǵan mektepte balalar qytaı tilin ekinshi til retinde 2-synyptap bastap meńgeredi.