Aýdanda qoǵamdyq qaýipsizdikti qamtamasyz etý úshin polısıanyń ýchaskelik pýnktteriniń sany artýda. Bul týraly Jetisý aýdanynyń ákimi Maqsat Qıqymov Almaty ákimdiginiń baspasóz ortalyǵynda ótken brıfıńte aıtty.

Ol aýdanda polısıanyń 11 ýchaskelik pýnktiniń ornalasqanyn habarlady.

«Qala ákiminiń tapsyrmasy boıynsha «Kókjıek» yqshamaýdanyndaǵy 58A úı janynan №71 ÝPP úshin jańa qosalqy nysan salyndy. Onyń bir bóliginde ýchaskelik ınspektor otbasymen turady. Ekinshi nysan №64 ÝPP úshin Esenov, kóshesindegi 154/1 úı janynda ornalasqan», – dedi M. Qıqymov.

Bulardan ózge, turǵyndardyń shaǵymdary negizinde stıhıaly saýdany joıý jumystary júrýde. Aǵymdaǵy jyldyń jeti aıy ishinde 476 hattama toltyrylyp, ruqsat etilmegen jerde saýda jasaǵandarǵa 2,9 mln teńge aıyppul salyndy. Tamyz aıynda osyndaı 88 hattama toltyrylyp, 138,8 myń teńgeniń aıyppuly salynǵan bolatyn.