Almatyda «Álem halyqtary Jazýshylar odaǵy» qoǵamdyq birlestiginiń tusaýkeseri boldy. Tusaýkeserge qazaqstandyq tanymal aqyn-jazýshylar, elshilikterdiń ókilderi, qoǵam qaıratkerleri, qoǵamdyq birlestikterdiń, buqaralyq aqparat quraldary ókilderi qatysty.

«Álem halyqtary Jazýshylar odaǵy» qoǵamdyq birlestiginiń ashylý saltanatyndaǵy dástúrli tusaýkeser lentasyn jazýshy Maral Ysqaqbaı men belgili jazýshy, qoǵam qaıratkeri Ǵabbas Qabyshev qıyp, jańa qurylyp jatqan álemdik jazýshylar ordasyna aq jol tiledi.

Tusaýkeser rásiminde jazýshy-satırık, ustaz Úmbetbaı Ýaıdın, jazýshy, akademık, Halyqaralyq syılyqtardyń laýreaty, Qazaqstandaǵy IýNESKO ókili ál-Halel Qarpyq, Halyqaralyq syılyqtardyń laýreaty Náziken Alpamysqyzy, jazýshy, Qazaqstannyń eńbek sińirgen mádenıet qyzmetkeri Zákir Asabaev, ǵalym, aqyn, akademık, etnograf-jazýshy Bolat Bopaıuly qoǵamdyq birlestikti uıymdastyrýshylardyń atyna quttyqtaý sózder aıtty. «Álem halyqtary Jazýshylar odaǵy» qoǵamdyq birlestiginiń atyna birqatar sheteldik uıymdardan quttyqtaýlar kel­gen eken. Birlestik tóraǵasy Qaırat Dúısenovti BUU-nyń halyqaralyq adam quqyǵyn qorǵaý Komıtetiniń Qazaqstandaǵy ókili, akademık Áben Nurmanovtan, Reseı Fe­de­rasıasyndaǵy qalamgerler Aleksandr Polıkanın, Maksım Zamshev, Vladımır Povoláev, Qytaı Halyq Respýblıkasyndaǵy jazýshy Ákbar Májıt, Tájik­stannan jazýshy Abdýlsattar Nuralıev, Bishkekten Nazarbek Baıjigitov, Ankaradan Iakýb Omeroǵlý telefon arqyly quttyqtapty.