«Nur Otan» partıasy halyqtyń áleýmettik jaǵdaıyn jaqsartý jolyndaǵy barlyq ıgi bastamalarǵa uıytqy bolyp, ortaq múdde jolynda kúsh biriktirip, elimizdiń kórkeıip, gúldenýine óziniń qomaqty úlesin qosyp keledi. Jýyrda Baızaq aýdandyq ál-Farabı atyndaǵy mádenıet úıinde «Nur Otan» partıasy aýdandyq fılıalynyń kezekten tys XXVIII konferensıasy bolyp ótti. Atalmysh jıynǵa «Nur Otan» partıasy oblystyq fılıaly tóraǵasynyń orynbasary Shábden Tileýmurat, aýdandyq partıa fılıaly Saıası keńesi men Saıası keńesi Búrosynyń músheleri, Partıalyq baqylaý komısıasy men Sybaılas jemqorlyqqa qarsy is-áreket jónindegi qoǵamdyq keńestiń músheleri, partıanyń oblystyq jáne aýdandyq máslıhattaǵy depýtattyq fraksıasynyń músheleri men bastaýysh partıa uıymdarynyń tóraǵa-tóraıymdary, aýdan ákimdiginiń bólimderi men memlekettik organdar jáne kásiporyndar basshylary qatysty.

Partıa aýdandyq fılıaly tóraǵasynyń birinshi orynbasary Sholpan Baıtaqovanyń tóraǵalyǵymen ótken kezekten tys konferensıada oblystyq fılıaly tóraǵasynyń orynbasary Shábden Tileýmurat sóz alyp, aýdandyq partıa fılıalynyń tóraǵalyǵyna Nurjan Nurjigitovtyń kandıdatýrasyn usyndy. Konferensıa delegattary tarapynan usynys qoldaý tapty. Óz kezeginde jańa saılanǵan tóraǵa konferensıa qatysýshylaryna senim bildirgenderi úshin alǵysyn aıtty.

Jańa saılanǵan tóraǵa, aýdan ákimi Nurjan Nurjigitov Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýynan týyndaıtyn mindetter týraly baıandama jasady.

Baıandamadan keıin «Nur Otan» partıasy aýdandyq fılıaly máslıhattaǵy depýtattyq fraksıasynyń múshesi, konferensıa delegaty Sanıa Altaeva, «Mereı» bastaýysh partıa uıymynyń tóraıymy, konferensıa delegaty Gúlbahram Ermekova, aýdandyq partıa fılıaly janyndaǵy «Jas Otan» Jastar qanatynyń múshesi, delegat Baýyrjan Abzalıev jaryssózge shyqty.

Kún tártibine sáıkes, aýdandyq partıa fılıalynyń burynǵy tóraǵasy Rahmatildá Rahmanberdıevtiń zeınet demalysyna shyǵýyna baılanysty Saıası keńestiń quramyna ózgeris engizildi. Sońynan kún tártibindegi máselelerge qatysty tıisti qaýlylar qabyldandy.