«Úlken Almaty aınalma avtokólik joly» jobasy 150 mlrd teńgege baǵalanyp otyr, dep jazady LS saıty. Alty jolaqty joldyń jalpy qashyqtyǵy 66 shaqyrymdy quramaq. Jol boıynda 38 ótpejol men ótkel jáne 7 kólik jolaıryq salynady. Onyń qurylysyna sapaly qyzmetti qamtamasyz etýge arnalǵan aldyńǵy qatarly tehnologıa qoldanylmaq.

Investordy anyqtaýǵa arnalǵan konkýrs 2015 jyly jarıalanǵan bolatyn. Ol tusta birneshe halyqaralyq kompanıa qyzyǵýshylyq tanytqan-dy. Alaıda kelisimshart tek 2018 jylǵy 7 aqpanda túrik-koreı konsorsıýmymen jasaldy.

2018-2019 jyldary jobalyq-smetalyq qujattar men daıarlyq jumystary ázirlendi. Búginde Almatyda 26,5 shaqyrym jolda qurylys-montaj jumystary júrýde. Kelisim-shartqa sáıkes úlken Almaty aınalma avtokólik jolyn 2020 jyly iske qosý josparlanýda.

Jol aqyly bolady. Jeńil kólikterge bólek, júk kólikteri bólek tarıf bekitiledi. Zertteý qorytyndysyna saı, jolmen kúnine 30 myń – 70 myń kólik júredi dep kútilýde. Bundaı qarqynmen 15 jylda 231 mlrd tabys túspek. Al 25 jylda 570 mlrd teńge kiris kirmek.