Reseıdiń Astrahan oblysy Krasnoıar aýdany Alsha poselkesinde turǵan etnıkalyq qazaq Tánzılá Bısembeeva 125 jasqa qaraǵan shaǵynda dúnıeden ozdy. Ol 2016 jyldan planetadaǵy eń qart áıel adam retinde resmı tanylǵan bolatyn, dep jazady rg.ru saıty.
Marqumdy sońǵy saparǵa attandyrýǵa kelgenderdiń arasynda Krasnoıar aýdanynyń basshysy Nurǵalı Baıtemirov te bolǵan.
Tánzılá Bısembeeva 1896 jyly patshalyq Reseı zamanynda týyp, revolúsıany, Uly Otan soǵysyn, rejımniń, saıası kósemderdiń aýysýyn, KSRO-nyń qulaýyn, ekinshi myńjyldyqtyń kelýin kórgen.
Tánzılá ájeı úıde 8 balanyń úlkeni bolǵan. Revolúsıadan keıin turmys quryp, kolhozda eńbek etedi. Uly Otan soǵysy bastalǵan shaqta kúıeýi maıdanǵa ketip, Tánzılá Bısembeeva ózge áıeldermen birge okop qazyp, baǵana tasyp, qara jumysua tartylady.
Kúıeýinen 1942 jyldan bastap esh habar bolmaǵandyqtan, soǵys aıaqtalǵan soń 52 jasynda ekinshi ret turmys qurady. Tánzılá Bısembeeva ekinshi jarynan tórt qursaq kóteredi. Tuńǵyshy shetinep, qalǵan úsheýi el qatarly ósip-ónedi. 3 baladan 10 nemere, 25 shóbere, 2 shópshek súıgen.
Pikir qaldyrý