Almaty qalasynyń ákimi Baqytjan Saǵyntaevtyń qaladaǵy birneshe mobıldik pýnkterdi eskertýsiz aralaǵan sátinde pýnktterdiń basym kópshiliginde kezekshi polısıa qyzmetkeriniń otyrmaǵany anyqtaldy.

Bul týraly B.Saǵyntaev óziniń instagram-daǵy paraqshasynda jazdy.

«Polısıanyń mobıldi postylary jónindegi bastamany jaqsy qabyldaǵan qalalyqtar óz jazbalarynda ýchaskelik ınspektorlardyń postylardan kórinbeıtinine shaǵymdanýda.

Keshe keshkisin esh eskertýsiz «Atakentte», «Mereı» SO, Kókbazarda, Arbatta, Meńdiqulov – Bekturov kósheleriniń buryshynda, Gandı parkinde ornalasqan mobıldi pýnktterdi tekserdim. Olardyń tek bireýinde ǵana ýchaskelik ınspektor boldy. Al qalǵandarynda jaryq janǵanymen, kezekshi bolǵan joq, polısıa qyzmetkeriniń ornyna SO-nyń kúzetshileri otyrdy.

Qoǵamdyq qaýipsizdikti qamtamasyz etýge bulaısha nemquraıdy qaraýǵa bolmaıdy! Sondyqtan búgin aparattyq jıynda qalanyń PD-niń basshysy S. Kúdebaevqa eskertý jasadym. Medeý, Almaly, Bostandyq, Jetisý aýdandarynyń polısıa basshylaryna sógis jarıalaýdy tapsyrdym. Aýdan ákimderine de baqylaýdyń joqtyǵy úshin eskertý aıtyldy.

Atqarylatyn jumystar jóninde qalalyqtardyń eskertýleri nazarǵa alynady. Almatylyqtardyń qaýipsizdigi – bizdiń jumysymyzdyń basty baǵyttarynyń biri», – delingen ákim jazbasynda.