Jambyl oblysy Moıynqum aýdanynda bıylǵy jyly aýdanishilik jolaýshylar kóligi qatynasymen 6 eldi meken qamtamasyz etilip, aýdandyq búdjetten sýbsıdıaǵa 44,5 mıllıon teńge qarajat qarastyrylǵan. Sýbsıdıa kólemi 2018 jylmen salystyrǵanda 21,3 paıyzǵa artyp otyr, dep jazady Qamshy.kz aqparat agenttigi. 

Aǵymdaǵy jyldyń esepti kezeńinde jaqsy jáne qanaǵattanarlyq jaǵdaıdaǵy aýdandyq mańyzy bar avtomobıl joldarynyń úlesi 100% qurap otyr. Bul kórsetkish 2018 jyldyn 9 aımen salystyrǵanda 35,7 %-ǵa ósti.

Sonymen qatar jaqsy jáne qanaǵattanarlyq jaǵdaıdaǵy eldi meken kóshelerindegi avtomobıl joldarynyń úlesi 100,0% qurap otyr. Bul kórsetkish 2018 jyldyn 9 aımen salystyrǵanda 60,0 %-ǵa ósti.

Atalǵan kórsetkishke qol jetkizý úshin 2019 jyly jol jóndeý men kútip-ustaý jumystaryna barlyq búdjet kózderinen 166,6 mln. teńge bólindi.

Qarastyrylǵan qarajattar esebinen jalpy 7,43 shaqyrym eldi meken kóshelerine ortasha jóndeý jumystary júrgizilýde.

Sonymen qatar eldi meken kóshelerine jol qaýipsizdigin qamtamasyz etýge baılanysty eskirgen jol belgilerin ornatý jáne baǵdarshamdarǵa kútip ustaý jumystaryna 5,6 mln. teńge qarastyryldy. Bul qarjyǵa eldi meken kóshelerine 157 dana jańa jol belgilerin ornatyldy jáne Moıynqum aýylyndaǵy 4 dana baǵdarshamǵa kútip-ustaý jumystary júrgizilýde.

Budan bólek, 2019 jylǵa arnalǵan enzootıaǵa qarsy is-sharalar jospary daıyndalyp bekitilip, bul jumystarǵa aýdandyq búdjetten 6,0 mln. tenge bólindi, 9 aıda 25 000 múıizdi iri qara teılerıoz aýrýyna, 11 839 bas jylqy saqaý aýrýyna, 18 000 bas múıizdi iri qara , 2 000 bas jylqy salmonellez aýrýyna jáne 60 000 bas ýaq mal salmonellez aýrýyna egilip, 5 mln. 890 myń teńge ıgerildi.(2018 jyly 4,5 mln. teńge bólinip, ıgerilgen).

Sondaı-aq 2017- 2018 jyldary aýdandyq búdjetten 51,3 mln.teńge bólinip, Keńes, Birlik, Bınazar, Kókjelek, Jambyl, Qylyshbaı, Qumózek, Moıynqum, Ulanbel, Shyǵanaq, Aqsúıek jáne Hantaý aýyldarynan barlyǵy 12 veterınarıalyq pýnktke ǵımarat satyp alynǵan.

2019 jyly aýdandyq búdjetten Mynaral, Aqbaqaı, Mırnyı jáne Kúshaman aýyldarynan veterınarıalyq pýnktke ǵımarat satyp alýǵa 10,0 mln. tenge qarajat bólindi, satyp alynatyn ǵımarattar anyqtalyp, memlekettik satyp alý portalyna joldandy.