Memleket basshysy Qasym-Jomart Toqaev halyqqa arnaǵan tuńǵysh Joldaýynda bilim salasyna aıryqsha kóńil bóldi. Asyrasa orta bilim berý mekemelerdiń materıaldyq bazasyn nyǵaıta otyryp, bilim sapasyn arttyrýdy mindettedi. Osy oraıda Jambyl oblysynda bilim berý salasyna degen kóńil jiti bólinýde. Tiptep kelgende shalǵaı eldi mekenderdiń ózinde «Sıfrlyq Qazaqstan» júıesin taýyp otyr, dep jazady Qamshy.kz aqparat agenttigi. 

Máselen Shý aýdanynda jalpyǵa mindetti oqýmen qamtýda 47 mektep jumys jasaıdy. 43 asqana jumysy jolǵa qoıylya, az qamtylǵan otbasynan shyqqan 1366 bala tegin ystyq tamaqpen qamtylǵan. Jergilikti búdjetten 104 mıllıon 429 myń teńge, oblystyq búdjetten10 mıllıon 181 myń teńgebólingen. Birinshi synyptyń 2373 balasyna ystyq tamaqqa 102 mıllıon 878 myń teńge qaralǵan.

A.S.Makarenko mektebiniń janyndaǵy ınternatta 84 oqýshy, O.Jandosov mektep janyndaǵy ınternatta 42 oqýshy,barlyǵy 116 oqýshy ınternatpen qamtylǵan. Olardyń ystyq tamaǵyna 2019 jylǵa jergilikti búdjet esebinen 22 mıllıon 380 myń teńge bólingen.

2018-2019 oqý jylynda UBT-ge barlyǵy 34 bilim berý uıymy qatysyp otyr. (Alǵa om, Ál-Farabı atyndaǵy orta mektepten jáne keshki mektepten birde-bir oqýshy UBT-ge qatysqan joq).

Mektep bitirgen 878 túlektiń 52,6 paıyzy (462 túlek) testileýge qatysty. Testileýge qatysqandardyń 88,3 paıyzy (408 túlek) qazaq tilinde, 11,7 paıyzy (54túlek) orys tilinde tapsyrdy. Ortasha bal-71,5. 37 oqýshy «Altyn belgi», 15oqýshy «Úzdik atestatqa» bitirdi. Shyǵarmashylyq tapsyrǵan oqýshy sany – 64. Eń joǵary bal – 134 (Imash Ásem Almazqyzy Tóle bı/q/om)

Oqý kabınetterin kompúterlik tehnıkalarmen jabdyqtaý jumystary boıynsha jalpy 47 mektepte barlyǵy 2470 kompúter ornatylǵan. Onyń ishinde muǵalimder paıdalanatyn kompúter sany 1085.

Sondaı-aq, jalpy oqý kabıneti sany 1212. Onyń ishinde 1085-i(89,5%) muǵalim kompúterimen jabdyqtalǵan.

2019 jyly 233 ınteraktıvti qurylǵylar satyp alyp, oqý kabınetterin 100 paıyz kompútermen jabdyqtaý josparlanýda.

Iá, sıfrlyq dáýirge elimiz qaryshty qadam jasap jatqanynyń bul bir kórinisi. «Sıfrlyq Qazaqstan» jobasy aıasynda jandanǵan jobalardyń jemisti bolmaǵany joq. Endi mine bilim salasy da sıfrlandyrýǵa tolyqtaı kóship jatqany qýantady. Bul el erteńine jasalǵan ıgi qadam.