Osy rette, arysy Ózbekstan men Qazaqstannyń ózge de aımaqtarynan kelgen qarasy qalyń jurt isti qaraýdyń keıinge qaldyrylýyna narazylyqtaryn bildirýde, dep habarlaıdy oqıǵa ornynda júrgen Qamshy.kz aqparat agenttiginiń tilshisi. 

Jýrnalıs, qoǵam belsendisi Rysbek Sársenbaı sot otyrysyna jınalǵandardyń atynan sóılep, "sot prosesin sozbasyn" degen talap-tilegin jetkizse, qoǵam belsendisi Besjan Kúmisbek-tegi sýdálar sot otyrysyn qaıta-qaıta keıinge shegerý arqyly halyqqa qurmetsizdik tanytyp otyr degen pikirde.

– Halyqty ashyndyrmasyn, halyq birigip jatyr. Kúsh birlikte. Kóp suǵyp aıtady. Sol úshin halyqtyń kóńiline qarańdar, Bulttan bıik bolsańdar da, halyqtan bıik bola almaısyńdar. Sýdıa, sen halyqtyń arasynan shyqtyń. Ana orynda otyryp ádildikti ornatýy kerek edi ǵoı, –  deıdi belsendi.

Sot otyrysyna jınalǵandardyń "Jastar jyly dep jarıalanǵan bıylǵy jyl – jastardy qoldaý emes, qorlaý jyly boldy" degen daýystary da estilýde.