QR Premer-Mınıstriniń orynbasary Roman Sklár BekAir ushaǵynyń apatqa ushyraý sebebiniń basty nusqasyn atady, dep habarlaıdy Qamshy.kz aqparat agenttigi QazAqparatqa silteme jasap.

OKQ-da ótken baspasóz máslıhatynda Roman Sklár eki táýlik boıy turaqta turyp qalǵan áýe kemesiniń ústine muz qatyp qalýy múmkin ekenin aıtyp ótti.

– Bolǵan apattyń negizgi nusqasy – áýe kemesiniń ústine muzdyń qatyp qalýy, – dedi ol.

Komısıa bolǵan apattyń birneshe nusqasyn zerttegen. Aldyn ala júrgizilgen jumystardyń nátıjesinde ushaqtyń sýyq aýa raıy kezinde qoldanylatyn arnaıy suıyqtyqpen óńdelmegeni anyqtalǵan.

– Áýe kemesin muzdyń basýyna qarsy suıyqtyqpen óńdeý jumysy ishinara júrgizilgen. Áýe kemesi komandıriniń sheshimi boıynsha, tek stabılızatordy óńdeý týraly sheshim qabyldanǵan. Birinshi sanattaǵy muzdyń basýyna qarsy suıyqtyqpen ushaq qanattary da óńdelý tıis, – dedi Roman Sklár.