Bul týraly bilim jáne ǵylym mınıstri Asqat Aımaǵambetov pedagogıkalyq joǵary oqý oryndary stýdentterimen kezdesý barysynda málim etti, dep jazady informburo.kz.

2019 jyly pedagogıkalyq mamandyqtarǵa oqýǵa túsý úshin eń tómengi shekti bal 60-ty qurasa, 2018 jyly 50 bal bolatyn. Bilim jáne ǵylym mınıstrligi bul shekti taǵy 10 balǵa joǵarylatyp, 70 balǵa deıin kótermek.

– Ustaz mamandyǵy mekteptiń ozat túlekteri arasynda suranysy tómen mamandyqtardyń biri. Ony qaldyq qaǵıdaty boıynsha, mektepte úlgerimi tómen bolǵan túlekter tańdaıdy. Osy oraıda talapkerlerdi pedagogıkalyq mamandyqtarǵa kóptep tartý úshin naqty sharalar qolǵa alynýda. 2019 jyly oqýǵa qabyldaný úshin shekti bal 60 balǵa deıin joǵarylatyldy. 2020 jyly shekti baldy 70 balǵa deıin kóterý josparlanýda, – dedi mınıstr.

Asqat Aımaǵambetovtyń aıtýynsha, 2021 jyldan bastap ár ýnıversıtet óz úlgisinde dıplom beretin norma kúshine enedi. Bul – joǵary oqý oryndary arasyndaǵy básekege qabilettilikti arttyryp, bilim berý qyzmetiniń sapasyna degen jaýapkershilikti arttyrady dep kútilýde.