Qytaı Halyq Respýblıkasynda bir kúnniń ishinde koronavırýstyń 1731 jańa jaǵdaıy tirkelip, 38 adam qaıtys boldy, dep habarlaıdy interfax.ru

QHR Densaýlyq saqtaý jónindegi memlekettik komıtetiniń málimetine súıensek, vırýsty juqtyrǵandar sany - 7711 adam. Onyń 170-i qaıtys boldy. Sondaı-aq, Hýbeı provınsıasynyń bıligi emdelýden bas tartqan koronovırýsqa shaldyqqan adamdardy qylmystyq jaýapqa tartpaq. 

"Qytaıdyń Hýbeı provınsıasynda naýqastardyń jalpy sany - 4586-a jetti, onyń 38-i qaıtys boldy. Al, Sychýan provınsıasynda 1 adam. Juqpaly dertpen 2126 adam Ýhanda tirkelgeni anyqtaldy. Koronavırýspen Gonkongta - 10, Makaoda - 7 jáne Taıvanda - 8 adam tirkelgen, - dep málimdeme jasady  QHR Memlekettik komıteti. 

Sonymen qatar, bılik aýrýhanalarǵa gúl shoqtaryn qoıýǵa jáne bannerler ilýge, emhanaǵa kirýge tyıym salady.

Eske sala ketsek, Densaýlyq saqtaý mınıstri Eljan Birtanov dárigerlerdiń Qytaıdan kelgen 23 qazaqstandyqty baqylaýǵa alǵanyn, olardyń 4-i aýrýhanaǵa túskenin aıtty.