Meniń qoǵamdyq kólikterge otyrǵym kelmeıdi. Baılyǵym asyp, qaltamnan tasyp bara jatqannan emes. Ondaǵy adamdardyń mádenıetsizdiginen qashamyn, kórgim kelmeıdi.
Áýeli, qoǵamdyq kólikterdegi urylar jaıly; 5-6 adamnan toptasyp alǵan suq saýsaqtar avtobýs júrgizýshisi men kondýktory olarmen aýyz jalasyp alyp, bir-birine kózben kórsetip áýre. Qaltasyndaǵy sońǵy tıynynan aıyrylyp qalyp aıǵaı salǵan adamdar... Olarǵa qosa, álgi ury-qarylar qaladaǵy qoǵamdyq kólikterdiń 80 paıyzynda kezedesedi. Bir-eki márte óz basymnan da ótken. Tul syrtymnan kelip, tamaǵyma almaz taqap qoqan-loqqy kórsetken kezder de bolǵan-dy. Erterektegideı emes, uıatty ysyryp qoıyp, súıisip jatqandy da, súıkesip jatqandy da, bajyldasqandy da, bir-birin balaǵattap jatqandy da – osy qoǵamdyq kólikten kezdestiresiz.
Odan qala berdi, jolaýshynyń azamattyq quqyǵy múlde eskerilmeıdi. Kelisseńizder áni, kelispeseńizder patsha kóńilderińizge hosh. Jolaýshyǵa dúrse qoıa berip, balaǵattaǵanynan ózge, qol jumsap, qarý suqqandy da áleýmettik jelide talqylap jatyrmyz ǵoı.
Mine sondyqtan bolar, artyq aqsham shyqsa da, men taksımen júremin.  Anyǵynda qoǵamdyq kólik bizdiń qoǵamnyń kishkene ǵana maketi. Adam aǵzasynyń jaǵdaıyn tekserý úshin dárigerler bir tamshy ǵana qan alyp, saraptama jasaıdy ǵoı. Qoǵamdyq kólik -sol bir tamshy qan ǵoı. Endi qoǵamdyq aǵzasynyń jaıyn ózińiz paryqtaı berińiz.

Nurgeldi Ábdiǵanıuly