Bul týraly «Qamshy» portaly Mańǵystaý oblysynyń ekonomıka jáne búdjettik josparlaý basqarmasyna silteme jasaı otyryp habarlaıdy.

«Mańǵystaý oblysy respýblıka boıynsha aımaqtyq jalpy ónimdi jan basyna shaǵý kólemi jaǵynan tórtinshi orynda. Oblystaǵy aımaqtyq jalpy ónim 744 myń teńgeni qurap otyr, QR boıynsha ortasha kórsetkish – 472,8 myń teńge. Ólkeniń 2015 jyldyń İ jarty jyldyǵyndaǵy naqty ósim – 103,7% quraıdy, ıaǵnı ol 453,2 mlrd. teńge. 2015 jyldyń qańtar-maýsym aılary boıynsha oblystaǵy ónerkásiptik mekemeler qoldanystaǵy baǵamen 772,5 mlrd. teńge bolatyn ónim óndirdi. Aımaqtyń ónerkásip óniminiń naqty kólem ındeksi 98,4%-dy qurap otyr», - delingen habarlamada.

Oblystaǵy birqatar ónerkásipterde, atap aıtsaq, metaldyq emes mıneraldy ónimderde – 1,6 ese, rezeńke men plasmassalyq buıymdarda – 1,2 ese, bylǵary jáne sol tektes ónimderde – 16,1%, azyq-túlikterde – 20,3%, hımıa ónerkásibinde – 1,7% ósim belgilengen.

Mańǵystaý oblysynyń ekonomıka jáne búdjettik josparlaý basqarmasy habarlaǵandaı, oblystaǵy munaı óndirý 2014 jylmen salystyrǵanda aǵymdaǵy jyldyń İ jartyjyldyǵy boıynsha 9,2 mln. tonnany nemese 100,7%-dy qurap otyr. Tabıǵı gazdy óndirý 16,8%-ǵa ósip, 1173,3 mln. tekshe metrdi qurady. Eseptik kezeń boıynsha ólkeniń óńdeý ónerkásibinde 41,3 mlrd. teńgege ónim óndirilip, naqty kólem ındeksi 101,3%-dy qurady.