Bul týraly Mańǵystaý oblysynyń ákimi Alık Aıdarbaev «Mańǵystaý oblysy men Iran Islam Respýblıkasy aımaqtary arasyndaǵy ınvestısıalyq múmkindikter» atty ekijaqty bıznes-forým kezinde habarlady.

«Mańǵystaý oblysynyń Iran Islam Respýblıkasymen syrtqy saýda baılanysy 2014 jyly 35,7 mln dollardy qurasa, 2015 jyldyń qańtar-mamyr aılary aralyǵynda – 11,6 mln dollardy qurady. Sońǵy jyldary saýda-ekonomıkalyq jáne ǵylymı-tehnıkalyq yntymaqtastyq salasyndaǵy áleýettik múmkindikterdi tıimdi paıdalaný úshin, Mańǵystaý oblysy men Iran Islam Respýblıkasynyń kásipkerleri men memlekettik organdarynyń arasynda birqatar iskerlik kezdesýler ótti», - dep atap ótti Aıdarbaev.

Oblysta Iran Islam Respýblıkasynyń qatysýymen ár túrli ekonomıkalyq saladaǵy: kóliktik-ekspedısıalyq qyzmet, sý kóligi aınalasyndaǵy qyzmet, saýdanyń keń túri, tamaq ónimi sıaqty 15 birlesken kásiporyn tirkelgen.

«Aqtaý teńiz porty» arnaıy ekonomıkalyq aımaǵy men Hadje Nafas porty (Gúlistan aımaǵy) jáne Port Anzalı arnaıy ekonomıkalyq jáne ónerkásiptik aımaǵy arasyndaǵy yntymaqtastyq týraly kelisim óz kúshinde. Iran Islam Respýblıkasynyń qoldaýymen Aqtaý qalasynda ekonomıkalyq jáne mádenı baılanystardy belsendi túrde júrgizip otyrǵan Iran bas konsýldyǵy ashylyp, qyzmet etýde», - dedi Mańǵystaý oblysynyń ákimi.

Oblystyń qazirgi tańda Kaspıı óńiriniń kóp ulttyq júıesine shyǵaratyn Qazaqstan Respýblıkasyndaǵy shekaramen shektes oblys retindegi qýatty kóliktik-logıstıkalyq jáne servıstik áleýeti bar.

Óz kezeginde, Iran Islam Respýblıkasy Mazandaran aımaǵynyń gýbernatory Rabıe Fallah Djeloýder aımaqtyń Mańǵystaý oblysymen yntymaqtastyǵynyń mańyzdylyǵyn atap ótti.

«Qazirgi ýaqytta bizdiń saýda-kóliktik flotymyz jetkilikti. Basymyzdan ótken qıyndyqtarǵa qaramastan, kóliktik ınfraqurylysty damytýdy josparlap otyrmyz. Yntymaqtastyǵymyzdyń shamasyn arttyrý úshin, Sarı portynan Aqtaý qalasyna jolaýshylardy tasymaldaý kerek. Bizdiń aramyzda jaqsy kelisimder boldy dep oılaımyz. Biz aýyl sharýashylyǵy, portty uıymdastyrý, týrızm jáne kólik salalarynda yntymaqtasýǵa daıynbyz. Birneshe jyldar buryn bizde jylyna 5 mln tonna munaıǵa  SVOP-sqemasy jumys jasady. Aldaǵy ýaqytta osy kólemdi qaıtadan jandandyramyz dep senemiz», - dedi Rabıe Fallah Djeloýder.