Mańǵystaý oblysynda 2015 jyldan bastap apatty mektepter bolmaıdy. Búgin Mańǵystaý oblysynyń ákimi Alık Aıdarbaev osylaı málim etti.

«Bilim berý baǵdarlamasy biz úshin asa mańyzdy. Memleket basshysy 2017 jylǵa deıin oqýshy ornynyń tapshylyǵyn joıý, apatty mektepter problemasyn tolyǵymen sheshý týraly tapsyrma júktegen bolatyn. Biz bıyl 200 oryndyq bir mekteptiń qurylysyn aıaqtadyq, kelesi jyly árqaısysy 624 oryndyq 2 mektep salynbaq. Tutastaı alǵanda, 2015 jyldan bastap Mańǵystaý oblysynda apatty mektepter bolmaıdy», - dedi óńir basshysy.

Sonymen qatar oblys basshysy 2015 jyly úsh aýysymdy mektepterdiń problemasyn sheshý de nazarda bolatynyn atap ótti. Ákimniń sózine qaraǵanda, oblysta úsh aýysymdaǵy 4 mektep bar.

«Buny joıý úshin osy aıda 960 oryndyq mektepti qoldanysqa engizetin bolsaq, 1700 oryndyq jáne eki mektep salynatyn bolady», - dedi A.Aıdarbaev.