Almaty. Qamshy portaly - 15-shilde kúni Aqtaý qalasynyń ákimi Serikbaı Trumov 11-12 shilde aralyǵynda Halyqaralyq «Slaván bazary» festıvaliniń aıasynda ótken «Vıtebsk-2015» balalar mýzykalyq baıqaýyna Qazaqstannyń atynan qatysqan Gran-prı ıegeri Lýıza Nurqýatovany qabyldap, jeńisimen quttyqtady, dep habarlady qalalyq ákimdiktiń baspasóz qyzmetinen. 

«Slaván bazary» festıvali Belorýssıanyń Vıtebsk qalasynda ótkiziledi. «Vıtebsk-2015» baıqaýynda vokal boıynsha 17 memleketten 20 ónerpaz qatysty. 

On jasar oryndaýshy «Ertegiler» vokaldy tobynyń múshesi. Astanadaǵy Prezıdenttiń jańajyldyq konsertine qatysyp, Mańǵystaý oblysynyń Ońtústik Qazaqstandaǵy, Astanadaǵy, Pavlodardaǵy mádenı kúnderinde estrada-sımfonıalyq orkestrmen jáne «Molodost jaz-ansamblimen birge óner kórsetti.

Lýıza Nurqýatova buǵan deıin «Aıalaǵan Astana» Respýblıkalyq balalar baıqaýynda II-oryn, Halyqaralyq «Altyn mıkrofon» balalar án baıqaýynda I-oryn, Halyqaralyq «Boztorǵaı-2014» balalar shyǵarmashylyǵy baıqaýynyń Gran-prı ıegeri atanǵan bolatyn.

Derekkózi: QazAqparat