Sizderdi mańyzdy memlekettik meıram – Astana kúni merekesimen shyn júrekten quttyqtaımyn!

  Bul eldik pen birlikti basty muraty etip tańdaǵan barsha Qazaqstan halqy men Otanymyzdyń árbir shynaıy patrıot azamaty úshin zor qoǵamdyq-saıası máni bar erekshe mereke. Osy kúnge deıin Astana táýelsiz elimizdiń jańarǵan tarıhynyń tańǵajaıyp týyndysyna, jurtymyzdaǵy órkendeý men jasampazdyqtyń jarqyn úlgisine aınaldy.  

  Saryarqanyń tósinen Qazaqstannyń jańa elordasyn salý, oǵan Máńgilik el bolý múddesine saı rýhanı mazmun berý – Ult Kóshbasshysy, elimizdiń Prezıdenti N.Á.Nazarbaevtyń uly ıdeıalary, sheshimdi qadamdary arqyly sátti iske asqanyna kýá bolýdamyz.

  Eýrazıanyń kindigi ekendigin tek geografıalyq jaıǵasýymen emes, kúlli adamzattyq qundylyqtar men ǵalamdyq ozyq oı-óris ortalyǵy bolýǵa umtylysymen álemge tanytqan Astananyń qaryshtap damýy – Qazaqstannyń kemel kelesheginiń kepili.

Ulanǵaıyr dalamyzdyń tórt qubylasyn túgendeıtin toqsan taraý joldyń túıiser basty núktesi, serpindi damýdyń qýatty qozǵaltqysh kózine aınalǵan Astananyń aldaǵy ýaqytta da sán-saltanat sáýleti artyp, mádenı, ekonomıkalyq turǵydan damı túsýine barsha el turǵyndary birlikpen úles qosýǵa atsalysaıyq!

Qadirmendi jerlester!

Shýaqty mereke – Astana kúnimen barshańyzdy quttyqtaı otyryp, zor densaýlyq, otbasylyq baqyt, izgilikti is-áreketterińizge tabystar tileımin! Egemen elimiz ben Elordamyzdyń eńsesi bıikteı bersin!

İzgi tilekpen, Mańǵystaý oblysynyń ákimi  A.Aıdarbaev