Almaty. Qamshy portaly - Mańǵystaý oblysynda qazba jumystary barysynda arheologtar HIV ǵasyrda Kaspııdiń basqa teńizdermen baılanysy bolǵanyn aıǵaqtaıtyn dálelderdi tapty.

Ketikqala shaharynyń ornyn qazý kezinde arheologtar qyzyl marjan butaqtarynyń bólikterin tapty. Bul 14 ǵasyrda teńizderdiń bir-birimen baılanysy bolǵanyn rastaıtyn derekterdiń biri bolyp tabylady.

«Baýtıno kentiniń turǵyndarynyń tarıhı derekterine súıensek, XX ǵasyrdyń basynda shirkeýlerde ıkonda marjan butaqtary turǵany belgili. Olar marjan butaqtary teńizge laqtyrylǵan Qulaly aralynan tabylǵan. Sol kezdegi turǵyndar teńiz túbi marjanǵa toly dep sanaǵan. Búginde Kaspııde marjan bolmaǵanyn bilemiz, ol aralǵa sýǵa batyp ketken keme arqyly kelýi múmkin», - dedi arheolog Andreı Astafev.

Ekspedısıa músheleri keramıkalyq ydystyń synyǵyn tapty. Bul Ketikqalada qysh sheberhanasynyń bolǵanyn dáleldeıdi. Dıirmen tasynyń úsh synyǵy da tabyldy, bul osy jerde eginshilikpen aınalysqanyn rastaıdy. Sonymen qatar qytaılyq farfordyń, áıel júziginiń synyǵy, aqyqtan monshaq synyqtary tabyldy, dep jazady lada.kz.

Sonymen qatar arheologtar jeti moneta tapqan. Onyń ekeýinde Hıjra jyl sanaýy boıynsha 761-768 jyldar dep jazylǵan.

Barlyq jádigerler oblystyq tarıhı-ólketaný murajaıynda saqtalatyn bolady.

Derekkózi: QazAqparat