Búgin Mańǵystaý oblysy Túpqaraǵan aýdany Taýshyq aýylynda Kaspıı teńiziniń jaǵalaýynda ámbebap sport kesheni ashyldy. Ony Soltústik-Kaspıı jobasynyń operatory - qurylys kompanıasy saldy.  Bul týraly «Qamshy» portaly habarlaıdy

Kólemi shamamen 7 myń sharshy metr bolatyn ekiqabatty mekeme 0,66 ga jerde ornalasqan. Keshenniń qurylysy 607 mln 260 myń teńgeni qurady. Keshenniń ashylý saltanatyna Mańǵystaý oblysynyń ákimi Alık Aıdarbaev qatysty.

«Túpqaraǵan aýdanynyń ınfraqurylymy jyl saıyn jaqsaryp keledi. «Aqtaý-Aqshuqyr-Saıyn» magıstraldy sý qubyrynyń qurylysy aıaqtaldy, bul eldi mekenderge ishki sýmen jabdyqtaý júıesi jetkizildi.  Fort-SHevchenko qalasy men Baýtıno aýylynda aýyz sýmen qamtý qubyrlary salyndy, kárizdik komýnıkasıalar ornatyldy. Bıyl Qyzylózen aýylynda 50 oryndyq balabaqsha, ákimshilik mekeme men «Daryn» qosymsha bilim berý ortalyǵynyń 60 oryndyq jataqhanasy,  

550 oryndyq orta mektep pen 120 oryndyq onyń jataqhanasy,  Fort-SHevchenko qalasynda 140 balaǵa shaqtalǵan balabaqsha  qoldanysqa beriledi», - dedi Mańǵystaý oblysynyń ákimi Alık Aıdarbaev.

Sport kesheninde sporttyq jáne trenajer zaldary, bapkerlerdiń bólmeleri, kıim aýystyratyn bólmeler, jýynatyn jer, býfet, tehnıkalyq qyzmetkerler bólmesi, dáriger kabıneti, t.b. bar.  Keshende derbes  qazandyq,  transformator qosalqy stansasy, 30 oryndyq avtoturaq bar. Aýmaqty abattandyrý da kózdelgen.

Keshen saǵatyna 80 adamdy qabyldaı alady. Munda gımnastıka, shaǵyn fýtbol, basketbol, voleıbol jáne aýyr atletıkamen aınalysýǵa jaǵdaı jasalǵan.

Aqparat kózi: QazAqparat.