Jańalyq bilý úshin teledıdar qosamyz. Ásirese, úkimettiń resmı málimetteri biz úshin mańyzdy. Biz tólegen salyqtyń esebinen nan taýyp júrgen sheneýnikter halyq úshin ne tyndyrdy degendi kúndelikti baqylap, oǵan baǵa berý BAQ úshin mindet. Alaıda, oblys ákiminiń orynbasary nemese álde bir memlekettik qyzmettegi qaptaǵan laýazymdylarynyń paramen ustalǵanyn, halyq qazynasyn urlaǵanyn, parlamenttiń bildeı bir múshesiniń (depýtat degen sovettik ataýdy qoldanystan shyǵarý kerek) isker azamatqa til tıgizip, qara basynyń qamy úshin jurt aldynda masqara bolǵanyn kóremiz. Odan qalsa, baspanasyn ákimdik qıratyp, bala-shaǵasymen zarlap dalada qalǵan analar, jylaǵan balalar, eńbekaqysyna qol jetkize almaǵan jumyskerdiń nalasy. Kóńil kónshiterlikteı eshteńe tappaısyń. Bılik ıeleriniń bıik minberden saıraǵanda des bermeıtin "elý eldi basyp ozyp, otyz eldi" tyrqyratyp qýyp kele jatqan túri osy ma? Bul jerde BAQ jýrnalıseriniń kinási shamaly. Qoǵam ómiriniń aınasy bolǵandyqtan, onda ne bolyp jatsa, sony ǵana kórsetpek. Al, "beti qısyq" úkimet aınaǵa ókpeleı ala ma?

Qýandyq Shamahaıuly, facebook paraqshasynan