Almaty. Qamshy portaly – Jaqynda oblys ákiminiń orynbasary E.Aıtahanov jetim jáne ata-anasynyń qamqorlyǵynsyz qalǵan 89 túlekke oblys ákiminiń grantyn tapsyrdy.

UBT synaǵynan qajetti kórsetkishke qol jetkize almaı grantqa ilikpegen balalar endi joldama arqyly oblysymyzdaǵy 11 joǵary oqý oryndarynda bilimin tegin jalǵastyra alady. 

Oqý jylynda óńirde 11-synypty  jetim jáne ata-anasynyń qamqorlyǵynsyz qalǵan 200  bala bitirdi. Olardyń  89-y oblystaǵy joǵarǵy oqý oryndaryna, 91-i kolejderde oqýǵa nıet bildirse, 20-y elimizdiń basqa óńirlerinde bilim alýǵa yqylas tanytyp otyr. Joǵary oqý oryndarynda oqýǵa nıet bildirgen 147  túlektiń  106-y  Ulttyq biryńǵaı testileý nátıjesinde  50 baldan joǵary   jınaǵan. 

Saltanatty sharada balalardyń bolashaqqa degen úmitin óshirmeı, qamqorlyq tanytqan oblystaǵy 11 joǵary oqý oryndarynyń basshylary oblys ákiminiń alǵys hatymen marapattaldy. Jıyndy qorytyndylaǵan oblys ákiminiń orynbasary E.Aıtahanov jańa ómirge qadam basqaly turǵan túlekterge sáttilik tilep, memleketimizge eńbek etetin bilikti maman bolyp shyǵatyndaryna senim artty, dep habarlaıdy   OQO ákiminiń baspasóz qyzmeti.

Aıta keteıik, oblysta ata-anasynyń qamqorlyǵynsyz qalǵan balalardy áleýmettik qamsyzdandyrý, bilim berý, balalar men jasóspirimder arasynda quqyq buzýshylyqtyń aldyn alý máselelerine ereýshe kóńil bólinedi. 

Derekkózi: QazAqparat