Almaty. Qamshy portaly – OQO ana men bala quqyǵyn qorǵaýdy qadaǵalaýda ózge aımaqtardan kóshi ilgeri turǵany týraly Qamshy portaly osyǵan deıin de jazǵan bolatyn. Endi mine, Ońtústik Qazaqstan oblysynda prokýrorlyq qadaǵalaýdyń nátıjesinde, 1146 oqýshy sútpen qamtamasyz etilip, 28 laýazymdy tulǵa tártiptik jaýapkershilikke tartyldy
Bul týraly «Qamshy» portaly oblys prokýratýrasynyń baspasóz qyzmetine silteme jasaı otyryp habarlady.
Prokýratýra júrgizgen tekserýde aýdan kólemindegi 25 mekteptegi 1-4 synyp arasyndaǵy 3206 oqýshyny bir mezgil sútpen qamtamasyz etý maqsatynda 06.05.2015 jyly aýdandyq bilim bólimi basshysy men «Otyrar Sút-Et» STK arasyndaǵy kelisim sharttyń talaptary oryndalmaı jatqandyǵy anyqtaldy.
Tekserýde kelisim sharttyń talaptaryna sáıkes 2015 jyldyń 1 mamyrynan bastap 25 mekteptegi 3206 bala berilýi tıis (kúnine ár balaǵa 200 gram) súttiń múldem berilmeı, jasy kámeletke tolmaǵandardyń quqyqtarynyń buzylýyna jol berilgen. Óz kezeginde Otyrar aýdandyq bilim bólimi men oǵan qarasty mektep basshylyǵy atalǵan kelisim shart talaptarynyń oryndalýyn qadaǵalaýǵa almaǵan.
Tekserý nátıjesi boıynsha Otyrar aýdandyq bilim bólimi basshysynyń atyna usynys engizilip, qaralý nátıjesi boıynsha mamyr aıynyń 22,23,25 juldyzy kúnderi 1146 oqýshylar sútpen qamtamasyz etilip, olardyń quqyqtary qorǵalsa, 28 tulǵa tártiptik jaýapkershilikke tartylǵan.
Derekkózi: QazAqparat
