Almaty. Qamshy portaly – Qazirgi tanda Shymkent qalasynda mektepke  deıingi mekemeler sany 295 (memlekettik balabaqshalar - 80, jekemenshik  balabaqshalar - 170, mektep janynda shaǵyn ortalyqtar - 45).Shymkent qalasyndaǵy  mektepter sany - 128 (3 keshki mektep), mektepke deıingi mekemeler sany - 80,  mektepten tys mekemeler sany - 9.

Pedagog kadrlar

Jasóspirimderge  salaýatty ómir saltyn nasıhatttaý  maqsatynda 91 sport zal, 32 sport alańshalary jumys isteýde.Mindettemege sáıkes joǵarǵy jáne İ-sanat muǵalimder úlesi  30% bolýy qajet.  Bul bilim mekemelerinde  48,5%-dy qurap otyr.

Balabaqshadaǵy ınklúzıvti oqytý.  Shymkent qalasy boıynsha 3-7 jastaǵy mektepke deıingi múmkindigi shekteýli bala sany – 2198.  Qazaqstan Respýblıkasynyń  2002 jylǵy 11 shildedegi  «Kemtar balalardy  áleýmettik jáne medısınalyq-pedagogıkalyq túzeý arqyly qoldaý týraly» Zańyna, 2014 jylǵy 12 tamyzdaǵy Qazaqstan Respýblıkasy Prezıdentiniń №893 Jarlyǵyna jáne Qazaqstan    Respýblıkasy Úkimetiniń  2013 jylǵy 20 jeltoqsandaǵy  №1377 Qaýlysymen   bekitilgen   «Balalardy mektepke deıingi tárbıemen jáne oqytýmen qamtamasyz etý» jónindegi   2014-2020 jyldarǵa  arnalǵan  «Balapan» baǵdarlamasyna sáıkes   «2014 jyly ınklúzıvtik bilim berýmen qamtylǵan mektepke deıingi jastaǵy balalardyń úlesin  7%-ǵa jetkizý» boıynsha Shymkent qalasy bilim bólimi  jáne Shymkent qalasynyń psıhologıalyq-medısınalyq-pedagogıkalyq keńesimen mektepke deıingi mekemelerdegi múmkindigi shekteýli balalardy anyqtaý maqsatynda psıhologıalyq-medısınalyq-pedagogıkalyq zertteý júrgizildi.

Qazirgi tańda, Shymkent qalasynyń 80 memlekettik mektepke deıingi mekemelerinde 24377 bala, 170 jekemenshik balabaqshalarda 19294 bala jáne 45 jalpy orta mektepter janyndaǵy shaǵyn ortalyqtarynda 2706 bala qamtylǵan.

Jalpy mektepke deıingi mekemelerde 46377 bala qamtylǵan. Al, «Balapan» baǵdarlamasy boıynsha  45020 bala qamtylyp, ol 77,1%-dy   qurap otyr. Mindettemege sáıkes qamtý paıyzy 76,3 bolýy qajet.

2014 jyly 7 memlekettik, 74 jekemenshik balabaqshalar jáne 13 mektep janyndaǵy shaǵyn ortalyqtar ashyldy. Sonymen qatar, 1 balabaqsha ǵımaraty  qaıtaryldy.

Derekkózi: OQO, Shymkent qalalyq Bilim bólimi