Shymkent qalasynyń turǵyny 1,5 jasar nemeresin qutqarǵan polıseılerge alǵys aıtý úshin olardy birneshe kún izdeýine týra keldi. Taıaýda oblystyq ishki ister departamentine zeınetker qart tártip saqshylaryn izdep keledi.

Bul oqıǵa 2015 jyldyń 26 maýsymy kúni Telman bólimshesindegi úılerdiń birinde oryn alǵan. Oınap júrgen kishkentaı bala ájethana tesigine túsip ketedi. Muny baıqaǵan balanyń týystary kóshege shyǵyp, kómekke adam shaqyra bastaıdy.

— Maǵan áıelim habarlasyp, bolǵan jaǵdaıdy aıtqan kezde, úıge jetip kelip, ne isterimdi bilmeı, kómekke shaqyrýǵa júgirdim, — deıdi jábirlenýshiniń atasy. — Aldymnan eki polısıa qyzmetkeri shyqty, olar oılanbastan qol ushyn berýge keldi. Biri qutqarýshylarǵa jáne jedel járdemge habarlassa, endi biri ájethana tesigine sıatyn aryq deneli adamdy izdestire bastady. Keıin ol eki tártip saqshysynyń OQO İİD ÁPB izdestirý salasynyń qyzmetkerleri, polısıa kapıtany Ábdijalel Qojabaev jáne polısıa maıory Baýyrjan Dúısenov ekenin bildim.

Tártip saqshylary kórshi 11 synyp oqýshysy Satym Dosqan esimdi oqýshyny shaqyryp, arqanmen ájethana tesiginen túsirip, kishkentaı balany alyp shyǵady. Keıinnen ol balany da tartyp shyǵarady. Polısıa qyzmetkeriniń jedel áreketi men oǵan jasalǵan kómektiń nátıjesinde bir jarym jasar náresteniń ómiri aman qaldy.

Al jedel járdem qyzmetkerleriniń sózine qaraǵanda, tártip saqshylary der kezinde kómek qolyn sozbaǵanda, birneshe sekýndqa keshikkende bala tunshyǵyp qalatyn eken. Qazirgi tańda balanyń densaýlyǵyna keler qaýip joq, jaǵdaıy jaqsy.

Derekkózi: Otyrar.tv