Ońtústik-Qazaqstan oblysy týylý deńgeıi joǵary, turǵyndar tyǵyz ornalasqan aımaqqa jatady. Sońǵy bes jylda (2005 -2009jj.) turǵyndar 235,9 myń adamǵa nemese 21,5% artqan jáne 2429,5 myń adamdy quraǵan. Turǵyndar sanynyń jyl saıynǵy ósimi orta shamamen 2,0% quraıdy.

Jalpy sannan qalalyq turǵyndardyń sany 37,9% (912 myń adam), aýyldyq – 62,5% (1517,5 myń adam).

Qalalyq jerlerde turǵyndardyń 1000 adamyna 30,2 týylý, aýyldyq jerde – 29,9 týylý keledi.

2009 jyly 20,9 myń neke qıý jáne 2,6 myń ajyrasý tirkelgen (2005 jylmen salystyrǵanda tıisinshe 22,4% jáne 29,0% ósimi baıqalady).

Densaýlyq saqtaý.

Demografıalyq jaǵdaıdyń oń ózgeristerine qaramastan ana men náreste ólimniń kórsetkishteri áli de turaqtanbaı tur.

Ana óliminiń kórsetkishi 2005-2007 jyldar aralyǵynda 100 myń tiri týylǵan nárestelerge shaqqanda  36,1-dan 56,1-ge deıin ósip otyr. Qazaqstan Respýblıkasynda ana men bala ólimin azaıtý jónindegi 2008-2010 jyldarǵa arnalǵan salalyq Baǵdarlamasyn júzege asyrý ana óliminiń kórsetkiterin 100 myń týylǵan nárestelerge shaqqanda 37,1-ge deıin tómendeýge jaǵdaı jasady.

Náreste óliminiń kórsetkishi: 2005 jyly 1000 tiri týylǵan náresetelerge shaqqanda 15,9-dan 2009 jyly 20,9-ǵa deıin ósýge yqpal jasady. 2008 jyly rsepýblıka kóleminde  Dúnıejúzilik  Densaýlyq saqtaý Uıymynyń tiri jáne óli týý krıterıılerin engizýine baılanysty, bul kórsetkishter 25,5-ke deıin, aýyldy jerlerde 1,5 esege deıin ósti.

Dúnıejúzilik  Densaýlyq saqtaý Uıymynyń málimetterine súıensek, eńbek jasyndaǵy  turǵyndardyń shyǵyny kóp jaǵdaıda  qan aınalymy júıesiniń organdary, qant dıabeti sıaqty juqpaly emes aýrýlardan sebebinen bolýda. Osyǵan qaramastan, Ońtústik Qazaqstan oblysy turǵyndarynyń ómir súrý deńgeıi 2005 jyldaǵy 67,36-dan 2009 jylda 69,49-ǵa jetti, alaıda, týberkýlez, qaterli isik aýrýlary  áli de joǵary kórsetkishterge jetýge múmkindik bermeı otyr.