Bul týraly Mańǵystaý oblystyq qoǵamdyq komýnıkasıa ortalyǵynda ótken brıfıńte «YESSENOV UNIVERSITY» oqý-ádistemelik jumystary jónindegi prorektory Qaıyrbek Makýlov málimdedi.

Qazirgi ýaqytta «Yessenov University» akademıalyq kúntizbege sáıkes maýsym aıyna deıin emtıhan tapsyrý aralyǵy bolyp esepteledi. Bilim alýshylarǵa ýnıversıtet tarapynan emtıhan tapsyrýdyń birneshe túri usynylǵan. Stýdentter ózderine tıimdi baǵytqa tańdaý jasap, ótinishterin elektrondy poshta arqyly  bergen.  Aıta keteıik atalǵan joǵary oqý ornynda ortalyqtandyrylǵan 788-788 arnaıy koll-sentr jumys jasaıdy.

-«Elde oryn alǵan tótenshe jaǵdaıǵa baılanysty bilim alýshylar tarapynan oqý aqysy jóninde birneshe suraq týyndaýda. Bul máseleniń boıynsha fakúltet dekandary barlyq aqparatty stýdentterge jetkizdi.  Qandaı da bir másele týyndaǵan jaǵdaıda stýdentter ótinishterin elektrondy poshta arqyly jiberýge bolady. Qazirgi ýaqytta 514 ótinish qabyldandy. Ótinishterdiń barlyǵy qanaǵattandyrylyp, oqý aqysyn bólip tóleý múmkindigi berildi», - dedi «YESSENOV UNIVERSITY» oqý-ádistemelik jumystary jónindegi prorektory Qaıyrbek Makýlov.