Mańǵystaý oblysynda "Mádenıet jáne óner qyzmetkerleri" kúnine arnalǵan saltanatty shara ótti. Ónerdi ómirine serik etken jandardy kásibı merekesimen oblys ákiminiń orynbasary Qanybek Jumashev quttyqtap, sala mamandarynyń qoǵamdaǵy róline erekshe toqtaldy.  Basqosýda tól mereke ıeleri marapattalyp, qoshemetke bólendi. Mádenıet jáne sport mınıstrliginiń "Mádenıet salasynyń úzdigi" tósbelgisimen sazger, balalar aqyny Kómek Ybyraıuly,  M.Óskinbaev atyndaǵy oblystyq fılarmonıasy, kishi sımfonıalyq orkestriniń ártis-aspapshysy Tursyngúl Meńdiǵalıeva, Abyl Taraquly atyndaǵy ult-aspaptar orkestriniń ártisi Ajar Kóbegenova, N.Jantórın atyndaǵy oblystyq mýzykalyq drama teatrnyń aktrısasy Maıra Baqberdıeva jáne "Aqtaý qalalyq ortalyq kitaphana" dırektorynyń m.a Nurıash Egdirbekova marapattaldy.

Mańǵystaý oblysy ákimi Serikbaı Trumovtyń alǵys hatymen MO qýyrshaq teatrynyń akteri Erjan Bıgashev, aıtysker aqyn Farhad Mýsaev, Art "Óner" galereıasynda sýretshi, bezendirýshi Aımurat Tańatarov,  MO kıno jáne mádenı qyzmet kórsetý ortalyǵy dırektorynyń orynbasary Zlıha Saparova marapattaldy. Sondaı-aq qala-aýdandardaǵy 17 mádenıet qyzmetkerdiń qatysa almaýyna baılanysty, oblys ákiminiń marapaty aýyldaryna joldandy. Taǵylymdy sharada teatr, fılarmonıa ártisteri óz ónerlerin ortaǵa saldy. Onlaın formattaǵy basqosý MO mádenıet, tilderdi damytý, arhıv isi basqarmasynyń basshysy Pánıa Sarmýrzınanyń jáne mádenıet qyzmetkerleriniń qatysýymen ótetin onlaın-suhbatqa jalǵasty.