Sanıtarlyq-epıdemıologıalyq jaǵdaıdyń qıyndaýyn (nasharlaýyn) boldyrmaýǵa jaýapty qalanyń bas memlekettik sanıtar dárigeri Jandarbek Bekshın áli de jalǵasyp kele jatqan koronavırýs pandemıasynyń jaǵdaıynda sońǵy kezderi áleýmettik jelilerde taralyp júrgen kópshilik sharalar men mıtıńterge shaqyrýǵa jol bermeý kerektigin atap ótti.

“Áli de jalǵasyp kele jatqan epıdemıa jaǵdaıynda qalada adamdardyń ómiri men densaýlyǵyna qaýip tóndirý úlken jaýapsyzdyq bolmaq”, - dep atap ótti J.Bekshın.

Álemdik tájirıbe kórsetip otyrǵandaı, adamdardyń tyǵyz ornalasýy men azamattardyń jaqyn baılanys jasaýy olardyń aýrýdy jappaı juqtyrýlaryna ákelip otyr. Kóptegen qalalar men elderde osyndaı jaǵdaı oryn alǵan.

“Mıtıńter men kópshilik jıyndar adamdardyń aýrýdy keń kólemde juqtyrýyna ákeledi. Eger osyndaı jıyndar juqtyrýǵa ákelip soǵatyn bolsa, mıtıń uıymdastyrýshylar zań aldynda jaýap beredi, tipti qylmystyq jaýapkershilikke tartylýy múmkin”, - dedi J.Bekshın.