Shyǵys Qazaqstan oblysynda mektep joq 228 aýyldyq eldimeken bar. Onda 3497 mektep jasyndaǵy bala turady. Bul týraly SHQO aqparattyq ortalyǵynda ótken brıfıń barysynda Shyǵys Qazaqstandaǵy bilim salasy sapasyn qamtamasyz etý departamenti basshysynyń orynbasary Bolat Atybaı málim etti.
– Balalardy oqytýmen qamtý maqsatynda 2 804 oqýshy tasymaldanady, al 693 oqýshy mektep janyndaǵy ınternattarda turady. Balalar kúndelikti tasymaldanady. Osy maqsatta 165 mektep avtobýsy paıdalanylady, – dedi Bolat Atybaı.
Shyǵys Qazaqstandaǵy bilim salasy sapasyn qamtamasyz etý departamenti basshysy orynbasarynyń aıtýynsha, balalardy qaýipsiz, sapaly tasymaldaý maqsatynda jyl saıyn avtobýs parki jańartylady. Máselen, 2016 jyldan bastap oblystyq búdjetten 44 avtobýs satyp alyndy.
– Bıyl oblystyq búdjet esebinen 22 avtobýs satyp alý josparlanyp otyr. Onyń ishinde Abaı aýdanyna – 1, Aıagóz aýdanyna - 2, Besqaraǵaı aýdanyna – 1, Borodýlıha aýdanyna – 2, Jarma aýdanyna – 1, Altaı aýdanyna – 1, Kúrshim aýdanyna – 1, Kókpekti aýdanyna – 2, Ulan aýdanyna – 2, Úrjar aýdanyna – 7, Shemonaıha aýdanyna - 2 avtobýs berý josparda bar, – dedi Bolat Atybaı.
Pikir qaldyrý