Búgin, 16 maýsymda Atyraý oblysynda koronavırýstan eki adam kóz jumdy. Bul aqparatty oblystyq densaýlyq saqtaý basqarmasy habarlady. 

Basqarma dereginshe, qaıtys bolǵandardyń ekeýi de er adam. Onyń biri – 55 jasta, ekinshisi – 57 jasta.

"Aýrýhanaǵa túsken kezde eki naýqasta da ıntoksıkasıalyq sındrom boldy, dem jetpeı turdy, jaǵdaıy óte aýyr boldy. Bul pasıentterge koronavırýs ınfeksıasy jáne ekijaqty polısegmentarly pnevmonıa dıagnozy qoıylǵan edi" delingen oblystyq densaýlyq saqtaý basqarmasynyń habarlamasynda.

Sońǵy aqparat boıynsha, Atyraý oblysynda qaıtys bolǵandar sany 6 adamǵa jetip otyr. Al Qazaqstanda vırýstan barlyǵy 81 adam kóz jumdy.

Qazir elde 15 192 adamnan koronavırýs tabylǵan. Olardyń 9488-i indetten aıyqty.