"1962-1979 jyldardaǵy qyrǵı-qabaq soǵys kezinde ıadrolyq shabýyldar úsh kúnniń ishinde 335 mıllıon adamnyń ómirin qıatyn edi" delingen AQSH-tyń "Joǵarǵy qupıa" áskerı qujatynda. Bul týraly France24news habarlady.

"SIOP-62" dep atalatyn qujatta nemese "Biryńǵaı ıntegrasıalanǵan jumys josparynda" AQSH-tyń 1961 jyly Berlın daǵdarysy kezinde ıadrolyq soǵys jaǵdaıynda ne isteıtini aıtylǵan.

Bul daǵdarys Germanıanyń astanasy Berlın mártebesine qatysty Keńes Odaǵy men AQSH arasyndaǵy qaıshylyq kezinde bolǵan.

"SIOP-62" qujatynda mundaı qaıshylyq qaıtalansa ne bolatyny kórsetilgen. Sondaı-aq Keńes Odaǵyna, Qytaıǵa jáne basqa elderge Qurama Shtattar tolyqqandy ıadrolyq shabýyl jasasa ne bolatyny boljanǵan. Qujattyń Memlekettik múddeler jónindegi amerıkalyq jýrnaldyń halyqaralyq saraptamasyna sáıkes, ıadrolyq shabýyldan 335 mıllıon adam qaıtys bolady.

Qujat AQSH-tyń shabýylyn eki túrge bólgen. Bireýi – "Dabyl kúshteri". Ol boıynsha, keıbir ıadrolyq qarýlar arqyly Keńes Odaǵy men onyń odaqtastaryna soqqy berý josparlanǵan. Ekinshisi, "Tolyq kúsh" dep atalǵan. Bul túrdegi shabýylda Amerıka barlyq ıadrolyq arsenaldaryn qoldanbaq bolǵan.

"SIOP qujaty" boıynsha, "Dabyl kúshteri" dep atalatyn soqqy berý josparyna sáıkes, Keńes odaǵynyń 199 qalasy ıadrolyq zardaptyń áserine ushyraıdy jáne basqa qalalardy da "ólimge" ákeledi. Saldarynan búkil qoǵamnyń qulaýyn týdyrady.

Qytaı úshin "Dabyl kúshteriniń" shabýyly 49 qalaǵa áser etýi múmkin.

"Al, Shyǵys Eýropada tek áskerı nysandarǵa soqqy beriledi, degenmen, Vashıngtonnyń shabýyldarynan 1 mln 378 myń adam kóz jumýy yqtımal edi" deıdi basylym.

Alaıda sandar tolyq shabýyl senarıinde aıtarlyqtaı ózgeredi. Qujatqa sáıkes, tolyq kúsh shabýyly 295 qalaǵa áser etýi múmkin.

Bul 108 mıllıon adamnyń ómirin qıyp, Shyǵys Eýropadaǵy qurban bolǵandardyń sany tórt mıllıonnan asady.

Beıjiń mundaı aqparattardy joqqa shyǵarǵanymen, biraz ýaqyttan beri shıelenister jalǵasyp keledi.

Qytaı sondaı-aq koronavırýstyq pandemıamen kúresý týraly synǵa ushyraýda. Synshylar eldi ashyqtyq joqtyǵyn aıtyp aıyptaıdy, keıbireýler "Beıjiń ótemaqy úshin jaýap berýi kerek" degen pikirde.

Al "Ýoll-strıt Djornel" sáýirde "Qytaı Ortalyq Azıaǵa jaqyn mańda ıadrolyq synaq jasaǵan bolýy múmkin" dep málimdegen.