2020 jyly Qytaıdyń Tencent kompanıasynyń kapıtalızasıasy Facebook-ten asty. Bul týraly amerıkalyq CNBC telearnasy habarlady.
Seısenbi kúni qytaılyq oıyn jáne áleýmettik medıa alpaýyty Tencent kompanıasynyń naryqtyq kólemi 664.50 mıllıard dollarǵa jetken. Al, Facebook-tiń naryqtaǵy kólemi 656,15 mıllıard dollardy quraǵan.
2019 jyly smartfondar shyǵaratyn qytaılyq Huawei kompanıasy amerıkalyq Apple kompanıasyn basyp ozyp, álemdegi ekinshi úlken smartfon óndirýshi kompanıa bolǵan. Keıbir derekter 2020 jyly sáýirde Huawei-diń Samsung kompanıasyn da artqa tastap, álemniń eń úlken uıaly telefon óndirýshisi bolǵanyn habarlaǵan.
Al Facebook-ten qymbatqa baǵalanǵan qytaılyq Tencent kompanıasy tanymal mobıldi oıyndarymen, sonymen qatar WeChat baǵdarlamasymen jumys isteıdi. Ol Qytaıdaǵy mıllıardtan astam qoldanýshysy bar eń tanymal habar almasý quraly. WeChat-tiń Moments dep atalatyn múmkindigi bar, onda qoldanýshylar sýretter, beıneler men siltemeler usyna alady. Tencent Moments arqyly jarnamadan aqsha tabady.
Kompanıa sonymen qatar jyldam habar almasý qyzmetin QQ dep ataıdy. Áleýmettik jelilerden túsken tabys Tencent satylymdarynyń shamamen 23 paıyzyn quraıdy.
Facebook aksıalarynyń 12 paıyzdyq kórsetkishimen salystyrǵanda Tencent aksıalary jyl basynan beri 43 paıyzǵa jetken. Bul rallı Tencent qunyna 201,44 mıllıard dollar qosqan.
