Almatyda dıspanserlik esepte turǵan naýqastarǵa dárilik preparattardy úılerine deıin jetkizip berý qamtamasyz etilgen. Bul týraly Almaty qalasynyń óńirlik komýnıkasıalar qyzmetiniń alańyndaǵy onlaın-brıfıng barysynda №5 Qalalyq emhananyń jalpy tájirıbelik dárigeri Laýra Maldybaeva aıtty.

Qaýipsizdik jáne azamattardyń juqtyrýyn boldyrmaý maqsatynda emhanalardyń aýmaǵynda onlaın-keńester uıymdastyrylǵan, olardyń barysynda dıspanserlik esepte turǵan naýqastar qajetti dárilik preparattarǵa alýǵa ótinish bildire alady.

«Bundaı naýqastar arterıalyq gıpertenzıa, ıshemıalyq aýrýlar, júrek qan tamyrlary aýrýlarymen, bronh demikpesimen esepte turǵandar. Olardyń bári dárilik preparattarmen qamtamasyz etildi. Dıspanserlik esepte turǵan 3000-nan astam naýqas onlaın-keńes arqyly qajetti apparattardy suratyp, keıin ol dáriler pasıentterge jetkiziledi», — dep habarlady Laýra Maldybaeva, ol sonymen birge, onlaın-keńesterdiń pasıentterge medısınalyq mekemelerge barýǵa ketetin ýaqytty únemdeýge múmkindik bergenin aıtty.

Naýqastardyń úıine dárilik preparattardy jetkizý barlyq sanıtarlyq talaptardy eskerý arqyly júzege asyrylatynyn atap ótken jón.