Almaty qalasy boıynsha Taýarlar men qyzmetterdiń sapasymen qaýipsizdigin baqylaý departamentiniń bas mamany Gúlnar Madımarova óńirlik komýnıkasıalar qyzmetine bergen suhbatynda qala turǵyndaryna ashyq dalada jáne fıtnes ortalyqtarda jattyǵý uıymdastyrý men ótkizýde engizilgen jeńildetý sharalaryn eskere otyryp, birqatar usynystar men keńester berdi.

Almaty qalasynyń bas memlekettik sanıtar dárigeriniń 15.08.2020 «Shekteý sharalaryn kezeń-kezeńmen jeńildetý týraly» №56 qaýlysyna sáıkes sportpen kelesideı: ashyq aspan astyndaǵy jeke jáne 5 adamnan aspaıtyn toptyq jattyǵýlar tártibinde shuǵyldanýǵa bolatynyn eskertemiz.

«Ashyq aspan aıasynda sportpen shuǵyldaný kezinde koronavırýs ınfeksıasyn juqtyrmaý maqsatynda jattyǵýshylar arasynda keminde 2 metr áleýmettik qashyqtyq saqtalýy qajet. Jattyǵý kezinde baılanys jasaýdan aýlaq bolý kerek, sporttyq jabdyqtardy (kilemshelerdi) paıdalanǵannan keıin jýyp, dezınfeksıalaý kerek», — dep keńes berdi Gúlnar Madımarova.

Sonymen birge, ol densaýlyqty nyǵaıtyp, ımýnıtetti kúsheıtý úshin durys tamaqtanyp, uıqy da qanyq bolýy kerek ekenin, sonymen birge mindetti túrde qoldy taza ustaý qajettigin aıtty. Jattyǵý aıaqtalǵannan keıin maska taǵý kerek.

Sondaı-aq, maman fıtnes-ortalyqtardyń jumysy qalaı júzege asyrylatynyn túsindirdi. Almaty qalasynyń Bas memlekettik sanıtar dárigeriniń Qaýlysyna sáıkes, sporttyq-saýyqtyrý ortalyqtary (baseındersiz) infokazakhstan.kz portaly arqyly nysannyń daıyndyǵy týraly habarlama berip, komısıanyń oń qorytyndysyn alǵannan keıin óz qyzmetterin qalpyna keltire alady.

«Fıtnes ortalyqtar kelýshilerdiń nysandarǵa kelýshilerdi toltyrý boıynsha talaptardy qamtamasyz etýde 1 kelýshi adamǵa 5 sh. m oryn bolýy tıis. Bul degenimiz ortalyqqa kelýshilerdi qabyldaý 50%-ynan aspaıdy. Ortalyq jumysyn aldyn ala jazylý boıynsha uıymdastyrý kerek. Sport jabdyqtaryn, trenajerlerdi keminde 2 m qashyqtyqta ornalastyrý shart. Toptyq sabaqtar kezinde belgiler qoıý arqyly oqýshylar arasyndaǵy áleýmettik qashyqtyqty saqtaýdy qamtamasyz etińizder. Jalpy alǵanda, jattyǵý kezinde sportshylar arasyndaǵy ózara qarym-qatynasty azaıtý. Bakterısıdti shamdar men aýa resırkýlátorlaryn qoldaný kerek», — dedi Gúlnar Madımarova.

Sondaı-aq, ol kelýshilerge koronavırýs ınfeksıasyn juqtyrýdyń aldyn alý maqsatynda, ár 2 saǵat saıyn oqý-jattyǵý prosesi ótkiziletin jumys oryndary men ǵımaratty jeldetý qajet ekenin atap ótti. Ǵımarattyń aýdanyna baılanysty qyzmetkerlerdiń klıenttermen tikeleı baılanysyn barynsha azaıtý, sport sabaqtaryn ótkizýdi qospaǵanda, kelýshilerdiń maska taǵyp júrýin qamtamasyz etý kerek.

Óndiristik jáne turmystyq ǵımarattarǵa ár 3 saǵat saıyn ylǵaldy sanıtarıalyq tazalaý jumystaryn júrgizý mindetteledi. Atap aıtqanda, esiktiń tutqalary, sóndirgishterdi, súıenishterdi, sporttyq jabdyqtardy, ústelderdi, oryndyqtardy, jalpy paıdalaný oryndaryn: kıim iletin oryndardy, tamaqtaný, demalys bólmelerin, sanıtarlyq bólmelerdi dezınfeksıalaý kerek.