Óńirlik komýnıkasıalar qyzmeti alańyndaǵy onlaın-suhbat barysynda «Jas Qanat» bastapqy medısınalyq-sanıtarlyq kómek ortalyǵynyń jalpy tájirıbelik emdeý dárigeri Merýert Kóshenova, qala turǵyndaryn ózin-ózi emdeýmen aınalyspaýǵa jáne tirkelgen jeri boıynsha emhanaǵa der kezinde habarlasýǵa shaqyrdy.

«Óz betimen emdelýge bolmaıdy. Tirkeý orny boıynsha emhanaǵa dene qyzýy, keýde qýysynyń aýyryýy, jótel jáne t. b. sıaqty belgiler paıda bolǵan kezde dereý medısınalyq kómekke júginińiz. Sımptomdardy elemeı júrmeńiz. Eger siz dıspanserlik esepte tursańyz, emdeýshi dárigerdiń taǵaıyndaýlaryn qabyldańyz», — dep shaqyrdy Merýert Kóshenova.

Merýert Kóshenovanyń aıtýynsha, epıdemıa bastalǵannan beri «Jas Qanat» emhanasynda sıpmtomy bilinbeı KVI-men aýyrǵan 145 naýqas, al jeńil túrimen aýyrǵan 98 naýqas baqylaýda boldy. Shamamen 80-i aýrýhanaǵa jatqyzyldy. Medısınalyq kómekke ýaqtyly júginýdiń arqasynda, koronavırýs ınfeksıasy bar 243 naýqas ambýlatorıada emdelip, jazylyp shyqty.

«Bizdiń emhanada aýrý juqtyrý órship turǵan kezde, bir aı ishinde (15 maýsymnan 15 shildege deıin) vırýstyq etıologıa pnevmonıadan 114 adam emdeldi. Osy kezeńde bizdiń medısına qyzmetkerlerimizdiń baqylaýynda 2000-ǵa jýyq tirkelgen halyq baqylaýda boldy. Onyń ishinde naýqas otbasylarymen baılanysta bolǵandar da bar», — dep qorytyndylady dáriger.

Qorytyndylaı kele, maman koronavırýs ınfeksıasynyń aldyn alý boıynsha birqatar usynystar berdi:
- Naýqastardan aýlaq bolý; úıde múmkindiginshe uzaq bolý;
- Múmkindiginshe basqa adamdardan eki metr qashyqtyqta bolyńyz;
- Qolyńyzdy jyly sýmen jáne sabynmen keminde 20 sekýnd muqıat jýyńyz;
- Jótelý nemese túshkirý kezinde aýyzdy nemese muryndy maılyqpen jabý nemese shyntaqtyń ishki jaǵyn paıdalaný;
- Kóz, muryn jáne aýyz qýysyna qol tıgize bermeý;
- Vırýsty joıý úshin jıhaz betterin, esik tutqalaryn dezınfeksıalyq quralmen jıi tazalańyz;
- Jedel respıratorlyq vırýstyq ınfeksıa sımptomdary paıda bolǵanda ózdiginen oqshaýlanýǵa;
- Densaýlyqty saqtaý úshin fızıkalyq turǵydan belsendi bolyńyz;
- Salaýatty ómir saltyn ustaný, ýaqytyly uıyqtaý jáne fızıkalyq belsendilikti saqtaý.