"Astana" velokomandasynyń kapıtany Vınchenso Nıbalı qazylar alqasynyń sheshimimen "Výelta" ıspan sýper kópkúndiginiń jarys kúniniń ekinshi kezeńinen keıin shyǵyp qaldy. Bul týraly "Qamshy" aqparattyq portaly astanafans.com saıtyna silteme jasaı otyryp habarlaıdy.
Tanymal sportshynyń dıskvalıfıkasıasynyń sebebi dep sportshynyń ekinshi kezeńniń máresine 30 shaqyrym qalǵanda úıindi astynda qalǵandyqtan negizgi topty komandasyndaǵy seriktesteriniń kómegimen qýyp jetpekshi bolǵany aıtylady.
"Italán sportshysy top aldynda kele jatqanda aldyńǵy dóńgelegi shyǵyp ketti, oǵan "Astana" komandasynyń tehnıkalyq kóligi jaqyndady, keıin Nıbalı qysqa qashyqtyqqa oǵan jarmasyp ótti, sondyqtan dıskvalıfıkasıa aldy. Nıbalı negizgi topty 20 shaqyrym boıy qýyp keldi, fınıshke 10 shaqyrym qalǵanda ǵana oǵan kire bildi. Biraq barlyq áreketi sońynda bos qaldy. Jaza tym qatań boldy, qazaqstandyq komanda endi segiz adammen qalyp otyr, komanda Grant-týr startynda óziniń kóshbasshysynan aıyryldy", - delingen habarlamada.
Oqıǵaǵa qatysty pikir bildirgen Olımpıada chempıony Aleksandr Vınokýrov qazaqstandyq komandanyń tarapynan erejeniń buzylǵanyn moıyndady. Ol uıymdastyrýshylardan, kórermenderden, jankúıerler men demeýshilerden keshirim surady. Sonymen qatar, Vınokýrov Nıbalıdiń jarystan shyǵyp qalýynyń qatal jaza ekenin málimdedi.
"Qamshy" silteıdi
