Reseı men Túrkıanyń syrtqy ister mınıstrleri Sergeı Lavrov pen Mevlút Chavýshoglý Taýly Karabah qaqtyǵysyna baılanysty telefon arqyly sóılesti, dep habarlady bbc.
"Mınıstrler qarýly qaqtyǵystyń toqtamaı jatqanyna asa alańdaýshylyǵyn bildiretinin jetkizip, áskerı áreketterdi dereý toqtatý týraly oılarymen bólisti. Sondaı-aq konflıktke ózge aımaqtardyń zańsyz qarýly kúshteriniń aralasýyna múlde jol berýge bolmaıtynyna nazar aýdardy" delingen taratylǵan aqparattyq habarlamady.
Taraptar beıbit kelissózge oralýǵa shaqyrýdyń mańyzyn, Baký men Erevanǵa saıası-dıplomatıalyq qoldaý kórsetýde ár qadamdy eksheýdiń qajettigin atap ótken.
Sonymen qatar reseılik vedomstvo eki el Taýly Karabahtaǵy qaqtyǵysty beıbit arnaǵa burý úshin birlesken áreketke kirisýge ázir ekenin habarlaǵan.
Taýly Karabahtaǵy qaqtyǵys 27 qyrkúıekten beri jalǵasyp keledi. Eki tarap janjaldyń bastalýyna birin-biri kinálaıdy.
Taýly Karabah Ázerbaıjan Respýblıkasy aýmaǵyndaǵy avtonomıalyq oblys. Oblys tolyqtaı Ázerbaıjannyń aýmaǵynda jatyr. Eshqandaı elmen shektespeıdi.
1992-1994 jyldary Armenıa aımaqta etnıkalyq armándardyń turyp jatqanyn jeleý etip ásker kúshimen Taýly Karabah ólkesi men irgeles jatqan jeti aýdannyń jerin basyp alǵan. Akkýpasıalanǵan jer Ázerbaıjan terıtorıasynyń 20 paıyzyn quraıdy.
Ol sátte Taýly Karabahta 170 myń azamat turǵan. Onyń 130 myńy armándar, qalǵany ázerbaıjandar edi.
1994 jyly oblysta oq atýdy toqtatý týraly kelisim jasalar sátte Ázerbaıjan jerine mıllıonǵa jýyq bosqyn kelgen.
1994 jyldan beri atalǵan aımaqqa qatysty kelissózder AQSH, Fransıa, Reseı teńtóraǵalary sanalatyn OBSE-niń Mınsk toby degen atpen jalǵasyp keledi.
Pikir qaldyrý